Има за „Платеничка револуција“, а нема за „Шарената револуција“
Објавено во Рецензии
on 27 - 05 - 2016 Автор: Владо Ѓорчев[Рецензија: Граѓаните за платеничката револуција: Нема пари, нема мир (ФОТО)]
Шпекулации, неаргументирани тези, девалвирање, клеветење… И, сето ова го има во овој текст кој е направен крајно непрофесионално, без ниту еден потребен елемент за коректен и веродостоен новинарски производ. Написот нема прецизни извори на информации, нема аргументација, нема втора страна, но затоа натежнува од паушални обвинувања и со коментари.
Линк до оригиналниот напис: Граѓаните за платеничката револуција: Нема пари, нема мир (ФОТО)
Датум и време на објавување: 24.05.2016, 20:40
Датум на рецензирање: 26.05.2016
Рецензент: Владо Ѓорчев
НАСЛОВОТ ГЕНЕРАЛИЗИРА
Да почнеме со ред. Објавата е врамена со наслов што генерализира:„Граѓаните за платеничката револуција: Нема пари, нема мир (ФОТО)“. Ваквата насловна конструкција остава впечаток дека се работи за доминантен став во јавноста, а всушнот, како поткрепа за искажаното, се нудат само неколку графити со погрдни пароли. И тоа е сè. Во текстот само се вели дека „осамнале графити со пораки за платеничката револуција“:
„Профитирам“, „Нема пари, нема мир“, „Платеничка револуција“….
Но, нема изјави од револтираните граѓаните ниту, пак, објаснување зошто изворно не се прикажани такви искази. Можеби луѓето не сакале да излезат во јавност, но тоа мора да се напомене во текстот. Вака, како што е пласиран, овој новинарски производ остава простор за сомнеж. Можеби, на пример, се работи за партиски активисти.
КЛЕВЕТИ
Овој пасус, пак, е полн со клевети.
„Аферата платеничка револуција каде со пари од Сорос раширени низ чадор на десетици невладини организации се финансираат протести, фингирани вести, јавни настапи и деструктивни активности на опозицијата навлегува длабоко во општеството и како канцер е раширено низ огромен број на јавни сфери.“
Со леснотија се расфрлаат со тези дека невладини организации земале пари за протести и слично, а во ниту еден момент не се аргументира тоа. Ако некој се напаѓа, редно е да му се даде можност и да се брани. Тука ја нема втората страна на приказната, со што текстот губи од содржајноста и од објективноста. Независно кој се критикува, написот мора да ѝ даде простор и на засегнатата страна да го каже својот став.
Во овој едностран напис нема ниту збор за тоа зошто протестираат граѓаните и кои се нивните барања. Од текстот не може да се разбере дека масовните протести се испровоцирани од аболицијата на претседателот Ѓорге Иванов, дека траат веќе два месеца и дека „Шарена револуција“ се прошири низ целата земја. Отсуството на овие информации го прави текстот „тенок“, необјективен и нагласено тенденциозен.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
анонимни
нерелевантни
не може да се утврди
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
манипулира
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
нема мултимедијални елементи
нема контекстуални линкови
делумно стилски уреден
поврзан со тагови