Голема Богородица не е продолжен викенд!
Објавено во Рецензии
on 30 - 08 - 2016 Автор: Симона Атанасова[Рецензија: Успение на Пресвета Богородица: Уште еден продолжен викенд]
Текстот ја дезинформира јавноста дека понеделник, 29 август, е неработен ден затоа што во неделата, еден ден претходно, се паѓа празникот Успение на Пресвета Богородица. Оваа информација е целосно погрешна затоа што празникот Успение Пресвета Богородица не е државен празник, туку празник само за припадниците на православната вериосповед и неговото празнување не се поместува на следниот работен ден.
Линк до оригиналниот напис: Успение на Пресвета Богородица: Уште еден продолжен викенд (Текстот во меѓувреме е избришан)
Датум и време на објавување: 24.08.2016, 10:40
Датум на рецензирање: 28.08.2016
Рецензент: Симона Атанасова
Иако грешката најверојатно не е намерно направена, сепак, новинарот мора да ги провери сите факти пред да објави нешто. Згора на сè, и насловот е сензационалистички и ги дезинформира читателите дека ќе имаат продолжен викенд, што е невистина.
„Бидејќи празникот се паѓа во Недела, за неработен ден се смета понеделник, 29ти Август“.
Ова е целосно неточна информација затоа што празникот Пресвета Богородица не е државен празник, па неработниот ден не се префрла за наредниот ден – понеделник. Само за државните, а не за сите празници, празнувањето се префрла наредниот ден кога тие се паѓаат во недела.
Во известувањето од Министерството за транспорт и врски јасно стои дека 28 август е неработен ден, но не и дека се префрла в понеделник, што во текстот е додадено самоиницијативно, без дополнителна проверка.
Ова го потврдува и членот 3 од Законот за празниците на Република Македонија.
Државните празници од членот 2 на овој закон се неработни денови. Доколку празниците од членот 2 на овој закон паѓаат во недела, наредниот ден се смета за неработен.
Според измените на овој закон донесени во 2007 година, како празник за верниците од православната вероисповед е вметнат и 28 август, Успение на Пресвета Богородица (Голема Богородица). Според законот, овие денови се неработни, но доколку се паднат во недела, наредниот ден не се смета за неработен, како кај државните празници.
Новинарот има должност точно да ја информираа јавноста. Тој не смее да ги дезинформира читателите и треба да објавува точни и проверени информации, како што тоа го налага и Кодексот на новинари.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
неточни наводи
неверодостојни наводи
ИЗВОРИ НА ИНФОРМАЦИИ
има евидентирани извори
официјални
СЕОПФАТНОСТ
несеопфатнo
нема прикриени информации
ПРИСТРАСНОСТ
делумно прикажува вистина
нема извртување на вистина (спин)
лажни информации
не аплиактивно
КОМЕНТИРАЊЕ
нема коментаторски елементи
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
соодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
стилски неуреден
неповрзан со тагови