Голем „срам“ за голема конструкција
Објавено во Рецензии
on 1 - 03 - 2016 Автор: Владо Ѓорчев
[Рецензија: СРАМНО: Поранешната потпретседателка на СМК не го осуди нападот врз Тодор Петров]
Тенденциозен и едностран текст кој има цел да ја дискредитира министерката за труд и социјална политика, Фросина Ременски. Оваа куса (дез)информација од само три реченици е пренесена од друг портал, но без директен линк.
Линк на оригиналниот напис: СРАМНО: Поранешната потпретседателка на СМК не го осуди нападот врз Тодор Петров
Датум и време на објавување: 28.02.2016, 14:54
Датум на рецензирање: 01.03.2016
Рецензент: Владо Ѓорчев
САМО ДА СЕ ОЦРНИ РЕМЕНСКИ
Во објавата се тврди дека Ременски била потпретседателка на Светскиот македонски конгрес (СМК), но за тоа не се нуди никаков доказ. Можеби таа навистина била во раководството на СМК, меѓутоа, написот мора да даде веродостојна потврда за да можат читателите да поверуваат. Ние, на пример, пребарувајќи на „Гугл“, не најдовме ниту еден податок дека Ременски била член на СМК, освен текстови во кои се тврди дека таа била дел од оваа организација.
„Фросина Ременски од СДСМ не го осуди нападот кој се случи вчера кога насилници го претепаа Петров, пишува Курир.“
Се наметнува прашањето: Зошто Ременски би го осудила нападот врз Тодор Петров?
Министерството што таа го води (Министерство за труд и социјална политика), нема никакви ингеренции околу спречување (решавање) насилство, тепачки или откривање на вистината.
Ако се алудира на тоа дека таа, наводно, некогаш била потпретседател на СМК, веќе кажавме, тоа не е потврдено. Партијата во која Ременски е еден од потпретседателите, пак, се огласи со соопштение во кое го осуди овој инцидент:
„Со ваквиот неодговорен однос, ВМРО-ДПМНЕ и ДУИ прават штета на Република Македонија. ВМРО-ДПМНЕ ги потценува граѓаните на Република Македонија. Не поминуваат провидни сценарија. Граѓаните се обединети во борбата против корупцијата, криминалот, обединети се во желбата за промени, за враќање на слободата, демократијата и европските вредности во Република Македонија. СДСМ осудува било каков чин на насилство“, стои во соопштението.
Така што, очигледно е дека некој по секоја цена сакал да види „голем срам“, па ако треба и да го измисли за потребите на една конструкција, како што е оваа пред нас.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
делумно
делумно
делумно
ИЗВОРИ НА ИНФОРМАЦИИ
има евидентирани извори
неофицијални
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
издвоено од фактите
ПЛАГИЈАТ
целосна копија
наведен извор без линк
КВАЛИТЕТ НА НАСЛОВОТ
не информира
некреативен
сензационален
несоодветен
тенденциозен
ФОТОГРАФИЈА
има
соодветна
манипулира
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови