Напис: Скандал: Али Ахмети ја наредил судската одлука „за“ Весел Мемеди?

Разрешениот претседател на НДП, Весел Мемеди, денеска ја објави судската одлука од Основен суд Тетово според која, одлуката на централното собрание на оваа партија со која беше разрешен Весел Мемеди од позицијата претседател и на негово име беше избран Фадил Зендели, не е законска, известува „Факте“. Според судот во Тетово, централното собрание на НДП постапило правилно кога го одбрало Мемеди за претседател на партијата, но не и кога го разрешило затоа што тоа требало да го направи конгресот.

Меѓутоа, „Факте“ денеска дозна дека за оваа чудна одлука на тетовскиот суд интервенирал самиот претседател на ДУИ, Али Ахмети, преку министерот за правда. Ахмети и Весели се видени синоќа седнати заедно, минувајќи среќни моменти во ректоратот на Тетовскиот универзитет, за време на еден настан.

Инаку, како последица на конечните ставови на Весел Мемеди против соработката на албанската опозиција, органите на оваа партија го разрешија него и го именуваа Фадил Зендели. По ова, експретседателот одби да ги предаде печатите на партијата и во меѓувреме продолжи со зголемен интензитет да се појавува во придружба на претседателот на ДР-ДПА Зијадин Села, со исклучок на вчерашниот настан кога беше во друштво на Али Ахмети.

[Рецензија: Скандал: Али Ахмети ја наредил судската одлука „ЗА” Весел Мемеди?]

Обвиненијата, иако не му припаѓа правото на новинарот да ги прави кон едно или повеќе лица, се вклучени во текстот што го рецензираме. Една вест од овој модел, во недостиг од факти, има основа да се третира како клевета. Тоа што се вели во написот може да е вистина, но тоа не се докажува во неговата содржина. Ако авторот има информација за еден ваков скандал, ова треба да се потврди со релевантни докази, иако во ваков случај тоа е многу тешко.

„Разрешениот претседател на НДП, Весел Мемеди, денеска ја објави судската одлука од Основен суд Тетово според која, одлуката на централното собрание на оваа партија со која беше разрешен Весел Мемеди од позицијата претседател и на негово место беше избран Фадил Зендели, не е законска, известува „Факте“…“

Редакцијата се повикува на тоа што го дознала, но во текстот нема ниту еден единствен доказ, било тоа да е материјален доказ или дури и анонимна изјава за го докаже тоа што го кажува. Како мислеле јавноста да поверува на ваква недокажана и непотврдена информација? Вакво дело може да се смета за загрозување на интегритетот на споменатите ликови.

Ако од „Факте“ дознале дека Али Ахмети интервенирал за Весел Мемеди да го добие судскиот спор, тогаш каде се фактите?! Ваква информација, освен тоа што го спомнавме погоре, е и напад врз судот и врз судијата што ја делел правдата во овој случај.

Доколку авторот има таква информација, тогаш веста не е дека Весел Мемеди го добил судскиот спор, туку како го добил. Овде е потребно изјаснување од самите спомнати лица, лицето Али Ахмети, судот и од судијата што постапил по овој предмет.

„Меѓутоа, „Факте“ денеска дозна дека за оваа чудна одлука на тетовскиот суд интервенирал самиот претседател на ДУИ, Али Ахмети, преку министерот за правда. Ахмети и Весели се видени синоќа седнати заедно, минувајќи среќни моменти во ректоратот на Тетовскиот универзитет, за време на еден настан.

Линк до оригиналниот напис: „Скандал: Али Ахмети ја наредил судската одлука „ЗА” Весел Мемеди?”

Датум и време на објавување: 05.05.2016

Датум на рецензирање: 06.05.2016

Рецензент: Адриан Керими

Фактот дека овие двајца се видени заедно, близу еден до друг, не алудира само на тоа што го вели новинарот. Можеби средбата била надвор од партиските убедувања. И самиот автор признава дека средбата се случила „во ректоратот на тетовскиот Универзитет за време на еден тамошен настан“.

„Инаку, како последица на конечните ставови на Весел Мемеди против соработката на албанската опозиција, органите на оваа партија го разрешија него и го именуваа Фадил Зендели. По ова, експретседателот одби да ги предаде печатите на партијата и во меѓувреме продолжи со зголемен интензитет да се појавува во придружба на претседателот на ДР-ДПА, Зиадин Села, со исклучок на вчерашниот настан кога беше во друштво на Али Ахмети.“

Темата на веста е прашање што допира или засегнува многу страни. Како што може да се забележи, во текстот се спомнати и неколку други имиња и, особено, сегашниот претседател на НДП, чиј став е повеќе од потребен, особено по оваа судска одлука и по информацијата дека Али Ахмети можеби влијаел за Весел Мемеди да го добие случајот. Тоа што требало да се направи во овој случај, врз основа на начелата на професионалното новинарство, е да се побара став од страните вклучени во текстот. Отсуството на нивниот став ја прави содржината еднострана и тенденциозна.