Дискриминирачки текст, полн со говор на омраза
Објавено во Рецензии
on 14 - 05 - 2016 Автор: Ана Анастасовска
[Рецензија: ЦЕЛА ЛГБТ СО СДСМ: Протестите во Крива Паланка одбележани од претставници на ЛГБТ]
Овој напис, кој во ниту еден сегмент не може да се нарече новинарски, е класичен пример за ширење дискриминација и говор на омраза врз основа на сексуална припадност. Дискриминацијата и говорот на омраза се кривично дело во Република Македонија.
Линкуван наслов на анализираниот напис: ЦЕЛА ЛГБТ СО СДСМ: Протестите во Крива Паланка одбележани од претставници на ЛГБТ
Датум и време на објавување: 09.05.2016
Датум на рецензирање: 13.05.2016
Рецензент: Ана Анастасовска
БЛИКА ОД НЕТРПЕЛИВОСТ И ОД ОМРАЗА
Самиот наслов на текстот е дискриминирачки, а таквиот тон провејува низ целиот текст. Имено, написот наместо да информира за настанот, конкретно за „Шарената револуција“ во Крива Паланка, тој на читателите им нуди жигосување на учесниците на протестот, обележувајќи ги како ЛГБТ-популација.
„Дека сите припадници на ЛГБТ заедницата се дел од „шарените“ се потврди и денес на собирот на 100-тината демонстранти кои излегоа на улиците на Крива Паланка, генерално пензионери над 70 години, деца на криминалните директори од транизицијата на СДСМ кои ги турнаа фабриките во стечај и оставија 300.000 луѓе на улица, и неколку познати членови на ЛГБТ заедницата меѓу кои и еден за кој во Крива Паланка се шпекулира дека е љубовник на зам.техничкиот министер Љупчо Николовски.“
Во овој дел од текстот се вперува прст кон заменик-минситерот за земјоделство, Љупчо Николовски, и се тврди дека е хомосексуалец, а всушност нема никакви докази за тоа. Дури и да има, сексуалната припадност на која било личност воопшто не е предмет на интересирање за пошироката публика, особено зашто тоа е право на избор на секој граѓанин, загарантирано со Уставот на Република Македонија.
Тука е прекршен членот 10 од Кодексот за новинари во кој јасно се наведува дека:
Новинарот нема свесно да создава ниту преработува информации што ги загрозуваат човековите права или слободи, нема да говори со јазикот на омразата и нема да поттикнува на насилство и дискриминација по која било основа (национална, верска, расна, полова, социјална, јазична, сексуална ориентација, политичка…).
„ХОМОСЕКСУАЛЦИ, БОТОВИ, СОСРОСОИДИ, КРИМИНАЛЦИ…“
Исто така, за учесниците на протестот се користат квалификации од типот „деца на криминални директори од транзицијата на СДСМ“. Кои се тие директори и деца? И каде се доказите за тоа дека сториле криминал? Очигледно е дека написот е политички мотивиран и има цел да го оцрнува опозицискиот СДСМ.
„Освен овие двајца, поддршка за СДСМ и соросоидните ботови дојде и од Љуми, позната маженце кое се чувствува како девојка, а на протестите се користи наместо сирена, бидејќи многу вреска.“
Тука имаме говор на омраза и квалификации од типот „соросоидни ботови“ и „маженце“. Намерата е да се нападне и навреди граѓанскиот активист Љуми Бекири, кој е гласноговорник против политиките на власта.
Овој напис не може да се нарече новинарски бидејќи прекршува неколку новинарски стандарди и правила. Прво и основно, текстот не содржи вест, а уште помалку ги содржи другите елементи кои еден новинарски напис треба да ги има.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
не може да се утврди
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
навредлив говор
говор на омраза
не потикнува на насилство
дискриминира
дискриминација според сексуална ориентација
УРЕДЕН ЗА ВЕБ
средно читлив
нема мултимедијални елементи
нема контекстуални линкови
стилски неуреден
неповрзан со тагови