Само од фејсбук-статус не се прави текст
Објавено во Рецензии
on 28 - 09 - 2016 Автор: Владо Ѓорчев
Овој напис покажува како не треба да изгледа еден текст. Само од статус на „Фејсбук“ не може да се направи текст, тоа може да биде само иницијална каписла. На ваква објава не може да ѝ се верува безрезервно, без разлика од кого доаѓа.
Линк до оригиналниот напис: Панов „купил“ стан во Скопје од фирма што има склучено тендери со општината во висина од половина милион евра
Датум и време на објавување: 24.09.2016, 12:28
Датум на рецензирање: 28.09.2016
Рецензент: Владо Ѓорчев
А ВТОРАТА СТРАНА?
Овој текст губи од професионалноста со тоа што фејсбук-статус од висок функционер на СДСМ е земен здраво за готово и е пласиран како новинарски текст. Притоа насловот е категоричен според тврдењето, без воопшто да остави можност дека сè што е наведено би можело да биде политичка пресметка, а не вистина.
За да биде ова новинарски текст, морало малку повеќе да се вложи труд. Како прво, да се запази правилото на втората страна. Најверојатно, ако се побарало одговор од градоначалникот или од Општина Кавадарци, ќе добиеле одговор. Но, според текстот, тоа не е сторено. Напротив, се гледа дека е ископиран цел фејсбук-статус, како и фотографијата, и толку.
Втората работа што можела да се направи е да се провери во Агенцијата за катастар или во Општина Кавадарци каде што има евиденција за имотите на функционери. Исто така, можеле да ја консултираат и веб-страницата на Атникорупциската комисија, каде има пријави за анкетните имоти на јавните функционери, меѓу кои и на градоначалниците.
Сè на сè, целиот текст е шпекулација, за наводни подароци. Со овој текст не само што се урива угледот на градоначалникот на Кавадарци, туку и на компанијата која е спомната. Затоа и констатираме дека станува збор за еден целосно непрофесионален текст, кој нема допирни точки со новинарството.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
неверодостојни наводи
ИЗВОРИ НА ИНФОРМАЦИИ
има евидентирани извори
неофицијални
нерелевантни
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
не може да се утврди
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор, наведен извор без линк
КВАЛИТЕТ НА НАСЛОВОТ
дезинформира
креативен
сензационален
несоодветен
тенденциозен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
не апликативно
има контекстуални линкови
стилски уреден
поврзан со тагови