АПСУРД: Од 13 институции, видлива само една!
Објавено во Рецензии
on 4 - 02 - 2016 Автор: Владо Ѓорчев
[АПСУРД: СДСМ бара ако не сте биле на лекар да не може да гласате на избори]
Овој напис е полувистина, која, инаку, најлесно се спинува. Во конкретниот случај се користи одлуката на Државната изборна комисија од 20 јануари 2016 година, која се однесува на вкрстување на податоците од 13 институции при проверка на избирачкиот список, но тука се третира само еден нејзин сегмент. Згора на сè, тоа во текстот се прикажува како апсурдно барање на СДСМ!
Линк до оригиналниот напис: АПСУРД: СДСМ бара ако не сте биле на лекар да не може да гласате на избори
Датум и време на објавување: 01.02.2016,14:36
Датум на рецензирање: 02.02.2016
Рецензент: Владо Ѓорчев
ОД РАКАВ ИСТРЕСЕН КОМЕНТАР
Текстот почнува со паушален, од ракав истресен коментар:
„Ако во последните 3 години не сте биле на редовна контрола на стоматолог или не сте купиле лекови од аптека, СДСМ смета дека не треба да ве има во Избирачкиот список.“
Вистината е дека од Државната изборна комисија (ДИК) се побарани информации за луѓето што користеле „Мој термин“. Но, не се побарани податоци само од Министерството за здравство (односно „Мој термин“), туку, како што соопшти ДИК, при вкрстеното споредување на податоците ќе се користат базите на 13 институции, а не, како што се тврди во оваа објава, дека со податоците од лекарски и од стоматолошки прегледи (!), наводно, ќе се прочистува избирачкиот список. И истата спинерска порака, намерно е извлечена во насловот:
„АПСУРД: СДСМ бара ако не сте биле на лекар да не може да гласате на избори“
Затскривајќи се, пак, зад воопштената формулација „познавачите“, текстот манипулира дека СДСМ со ваквиот потег прави опструкции на процесот на чистење на Избирачкиот список, при што, неименуваните експерти укажуваат дека:
„На Државната Изборна Комисија на располагање и стојат базите нa податоци на 10 институции меѓу кои и Фондот за здравство.“
Меѓутоа, ваквото „укажување“ на виртуелните аналитичари е сосема непотребно, ако се знае дека ДИК веќе донесе одлука да се користат податоците од 13 институции. Но, очигледно е дека оваа медиумска содржина намерно ја игнорира споменатата информација (одлуката на ДИК). Дополнително, написот имал потреба да нагласи и дека:
„…лидерот на ВМРО- ДПМНЕ Никола Груевски вчера ги повика надлежните институции за спроведување на изборите да работата во интерес на граѓаните. Потсети дека двете клучни институции, ДИК и МВР се под контрола на кадри на СДСМ, па според тоа, пречистувањето и динамиката на овој процес е комплетно во нивни раце.“
Зошто е тоа така, не е тешко да се претпостави. Впрочем, видливо е дека идејата на написот не била да се пренесе точна и прецизна информација, онака како што налагаат стандардите на професионалното новинарство, туку да ја оцрни опозицијата и во јавноста да креира слика што оди во прилог на власта.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
делумно
неверодостојни наводи
ИЗВОРИ НА ИНФОРМАЦИИ
има евидентирани извори
официјални, анонимни
релевантни, нерелевантни
не може да се утврди
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
наведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови