Анонимните извори ја прават и веста анонимна
Објавено во Рецензии
on 21 - 10 - 2015 Автор: Ferikan Iljazi
[Рецензија: Кој ќе биде наследникот на Ахмети, доколку тој се казни за аферата „Телеком“?]
Во кревки политички и општествени ситуации како актуелната ситуација во Македонија, секоја вест за кадровски промени, повлекување на политичари или создавање нови субјекти, буди голем интерес, особено во општество преокупирано толку многу со политичките збиднувања како нашето. Но, тој факт не треба да се искористи за да се долее што повеќе масло на огнот, тргнувајќи само од тоа што го велат анонимни извори, чии наводи авторот не успева да ги потврди.
Линк до оригиналниот наслов: Кој ќе биде наследникот на Ахмети, доколку тој се казни за аферата „Телеком“?
Датум и време на објавување: 14/10/2015
Датум на рецензија: 14/10/2015
Рецензент: Ферикан Илјази
Со веста која овој портал ја има преземено од друг, се обидува да пренесе една сосема легитимна информација, но целиот текст има повеќе коментар од новинарот отколку факти што би го направиле написот веродостоен. Aвторот вели дека има можност лидерот на партијата на власт да се повлече од неговата позиција, „потсмевајќи“ се со формуалции од типот „тие што имаат почит за моралните вредности на Ахмети велат…“, генерализации кои не прилегаат на напис од професионален новинар.
„Во некои партиски кругови каде што имаат почит за моралните вредности на Ахмети, се зборува дека тој ќе поднесе оставка и ќе назначи вршител на должноста. Во меѓувреме, други кругови, кои што не го почитуваат многу Ахмети, велат дека тој ќе продолжи да ја извршува функцијата како и досега. Одлуката на Судот во Њујорк, да покрене обвиненија врз основа на исказите на поранешниот шеф на македонската тајна полиција, Слободан Богоевски за милионите од аферата Маѓар Телеком, кај многу претставници на ДУИ е сфатена како почеток на крајот на политичката кариера на претседателот на ова партија, Али Ахмети.“
Во меѓувреме, авторот споменува повеќе имиња од кадрите на ДУИ кои има можност да бидат наследници на Ахмети, но не нашол дека е неопходно некој од нив и лично да го праша. Тоа е она што најмалку можел да го направи авторот. Наводите на анонимните извори да ги претвори во нешто конкретно, во изјави од споменатите лица, а не од аналитичари кои можат да ја коментираат темата откако ќе се потврди такво нешто.
„Партиски извори за Лајм велат дека трката и лобирањето во ограноците и разграноците почнало да се одвива молчеливо, но дека може да добие на интензитет во зависност од тоа како ќе се одвива судскиот процес во Њујорк. Според нив, се очекува натпреварот да се води помеѓу пратеникот Хазби Лика, кој ја ужива поддршката на партиското крило кое е против соработка со ВМРО-ДПМЕ, од една страна, и Теута Арифи, Абдулаќим Адеми и Артан Груби од другата страна.“
Медиумите имаат право да пренесат информации од анонимни извори, но, сепак, претпоставките или наводите на тој извор треба да се проверат, поедностават и да се конкретизираат.
(Од Сервисот за проверка на факти на албански јазик)
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
неточни наводи
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
Не може да се утврди
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
не информира
некреативен
сензационален
соодветен
јасен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови