Без проверка не може да има објавување
Објавено во Рецензии
on 21 - 10 - 2015 Автор: Ferikan Iljazi
[Рецензија: Писмо од Чикаго: ДУИ рацете настрана од албанската дијаспора]
Написот обработува една многу чувствителна тема, но со многу малку елементи што би ја поддржале. Авторот пласира текст за кој се претпоставува дека е писмо испратено од револтираните албански дејци во Чикаго, но нивниот потпис не стои никаде. Ова остава простор за сомнеж кај читателот. Згора на тоа, текстот е и едностран. Страната за која цело време се зборува во текстот, воопшто не е исконтактирана од авторот.
Линк до оригиналниот напис: Писмо од Чикаго: ДУИ рацете настрана од албанската дијаспора
Датум и време на објавување: 03/10/2015
Датум на рецензија: 14/10/2015
Рецензент: Ферикан Илјази
„Писмото од Чикаго“ кое е претставено од авторот, не содржи веродостојни факти, што би ѝ дале тежина на веста. Овој текст, кој е претставен како став на албанските дејци што живеат во Чикаго, не му овозможува на читателот да процени кому да мy верува, на авторот, на писмото или на третата страна, која воопшто не е исконтактирана.
„Албанското време во Македонија, во маргините на дневната политика е пренебрегнето надвор од кодовите на уставните закони, во позиција на малцинство со другите малцинства, политичката класа гледа сеир и сето тоа не прави толку песимисти, што ни дошло до гуша да кажеме: Ниту за гроб немаме место! Вака зборуваат албанско-американските дејци од Чикаго преку писмото испратено до новинската агенција ИНА.“
Читателот бргу се губи во текстот, бидејќи не се става до знаење дали во него има ставови на новинарот или целата содржина, со секоја точка и запирка, е „писмото од Чикаго“. Оваа конфузија се создава бидејќи авторот на текстот не истакнува на почетокот дека во продолжение ќе биде целосно пренесено писмото испратено од албанските дејци во Америка, туку, меѓу редови, се појавуваат реченици од типот: „Kај има полошо, велат гневни во Чикаго, кога дојде делегацијата од Тетово, со Али Ахмети и Муса Џафери…“
Текстот е многу нејасен и му недостигаат основните правила врз основа на кои се пишува една новинарска информација. Решение на проблемот би било да се напише еден едноставен и разбирлив текст. Тука недостига и некој аргумент, било да е тоа преку слика, документ, со кој што би се потврдило постоењето на ова писмо.
Потоа би се отворила можност и за ставот на споменатата партија, која треба да се праша за овие обвиненија упатени на нејзина адреса за да се комплетира целата „слика“.
(Од Сервисот за проверка на факти во медиумите на албнски јазик)
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
неточни наводи
неверодостојни наводи
ИЗВОРИ НА ИНФОРМАЦИИ
има евидентирани извори
анонимни
нерелевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
нема коментаторски елементи
издвоено од фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
не информира
некреативен
сензационален
несоодветен
нејасен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови