Заев е виновен и за Полска, Германија…
Објавено во Рецензии
on 5 - 07 - 2015 Автор: Александар Пешев
[Рецензија: Заев преку нереални барања бега од соочување со народот]
Неуспешен обид за маскирање на коментаторските елементи со мислења на експерти кои не се споменуваат со име и со презиме. Се прават констатации за наводно очигледни работи во обид да се оправда спинот. Во новинарството нема „очигледно“. Има само „кој, каде, зошто, кога и како“.
Линк до оригиналниот напис: Заев преку нереални барања бега од соочување со народот
Датум и време на објавување: 29.06.2015
Датум на рецензирање: 30.06.2015
Рецензент: Александар Пешев
Во случај да не сте знаеле, целата јавност е убедена во очигледната констатација дека Зоран Заев бега од избори. Штета ако веќе имате мислење кое не се совпаѓа со убедувањето на авторот на оваа објава која наликува на залутано партиско соопштение.
Силниот навивачки елемент се согледува во неуспешниот обид да се препише став на мислења на аналитичари и на граѓани кои никаде не се споменуваат за потоа да се оди на директно коментирање:
„Задача на опозицијата е да бара избори и да се бори со понуда, нешто што не го прави СДСМ, туку купува време и одолговлекува со нерални барања.“
Се поставува прашањето во чие име се направени ваквите констатации? Кои се тие аналитичари? Колкумина граѓани се анкетирани? Да не е случајно ова партиски став?
Како и да е, опозицијата е прозивана за предизвикување на политичката криза во земјава, а во текстот не е обезбеден простор за каква било изјава на партијата што се обвинува. Од друга страна, не изостанува изјавата на премиерот Груевски, што сведочи за политичката пристрасност во пишувањето.
Спинот се изведува во втората половина на текстот. Забелешките на извештајот на американскиот Стејт департмент се релативизираат преку споредби со други земји. Интересно е што во ниту еден дел не е цитирана барем една забелешка од документот. Авторот нуди оправдание без да понуди информации околу тоа за што се правда, поради веројатна автоцензура.
Во овој сегмент, можеби читателот останува неинформиран околу американските забелешки за состојбите во земјава, но затоа има детален преглед околу забелешките за Бугарија, Германија, Полска – нели, во случај да сте позаинтересирани за тамошните проблеми, а не за домашната криза.
На крај авторот резимира со конечен спин.
„Сето ова покажува дека Заев единствено бара сламка за спас, на својата кариера и кариерите на своите најблиски соработници, преку избегнување на изборите што се сметаат за столбот на едно демократско општество.“
Каква врска има ова со извештајот на САД и со претходно нотираните состојби во Германија, Словенија и во Србија? Којзнае, можеби авторот на текстот е убеден дека токму лидерот на македонската опозиција е виновен за состојбата во овие земји бидејки во Македонија „бега од избори“.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
неточни наводи
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални, анонимни
нерелевантни
не може да се утврди
еднострани
СЕОПФАТНОСТ
несеопфатнo
нема прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
дезинформира
некреативен
сензационален
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
нечитлив
солидни мултимедијални елементи
нема контекстуални линкови
делумно стилски уреден
неповрзан со тагови