И со илјадиници студија за јога, таа била „забранета во Русија“
Објавено во Рецензии
on 5 - 07 - 2015 Автор: Владо Ѓорчев
[Рецензија: Јогата забранета во Русија, вежбањето личело на секта]
Целта на овој напис е една и единствена. Да се поткрепат изјавите на свештеници од МПЦ кои тврдат дека јогата е одрекување од православната црква.
Линк до оригиналниот напис: Јогата забранета во Русија, вежбањето личело на секта
Датум и време на објавување: 01.06.2015, 10:25
Датум на рецензирање: 01.06.2015
Рецензент: Владо Ѓорчев
„И во Русија јогата е непожелна.“
Вака почнува текстот и со оваа полуреченица веднаш се навестува намерата да се даде позитивна конотација на изјавата на МПЦ со намера дека, еве, не е само во Македонија јогата непожелна, туку тоа е случај и со „големата“ Русија. Ама, за волја на вистината, ова нема врска со реалноста. Ни најмалку. Во Русија има илјадници студија за јога и илјадници учители по јога.
Точно е дека јогата беше табу-тема во советско време, но многу е прифатена од елитата на Русија. Поранешниот претседател на Русија, Димитри Медведев, дури во една пригода изјави дека е „мастеринг јога“ и дека таа активност му помага да се справи со стресот на политичките обврски.
Без дилеми, јогата е во тренд во Русија.
„Најмалку две студија во кои се вежба јога добиле заканувачки писма од властите во кои се нагласува дека мора да престанат да одржуваат часови во општинските зграда. Двете студија за јога одржуват часови по хата јога, најпопуларниот облик на оваа древна вештина во Европа.“
Инаку, точно е дека две студија од градот Нижневартовск добиле писма да се забрани еден тип јога, наводно поради поврзување на оваа дисциплина со некакви култови. Но, двете студија (а, во текстот тоа не е наведено) практикуваат хата-јога, најбарана дисциплина од јога-вежбите во Европа. Но, сето ова, во овој пасус на текстот е испревртено и недоволно разбрано. Значи, се работи на конкурентска битка во градот помеѓу две студија. Едните плаќаат закуп на просторија и се противат на одлуката на општинските власти, без надомест, да им даваат простории во општинската зграда на здружение кое практикува друг тип јога. Тоа е почеток и крајот на приказната.
Поради една случка да се генерализира проблемот, навистина е непрофесионално. Кога еден текст, пак, ќе се напише без притоа да се разбере суштината, навистина е проблем во новинарството. Тоа, пак, кога ќе се искористи во одбрана на некаква цел е надвор од сите норми и правила. Затоа не смее да се дозволи да остане овој напис незабележан – се разбира по лошо.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
неверодостојни наводи
ИЗВОРИ НА ИНФОРМАЦИИ
има евидентирани извори
неофицијални, анонимни
нерелевантни
не може да се утврди
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
лажни информации
Не може да се утврди
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор, наведен извор без линк
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови