За сè е виновна новата министерка
Објавено во Рецензии
on 14 - 12 - 2015 Автор: Силвана Жежова
[Рецензија: Мигрантите се смрзнуваат: Ременски ги остави прифатните центри без греење (ФОТО)]
Текстот се обидува да ја дискредитира министерката за труд и социјална политика, Фросина Ременски, обвинувајќи ја дека илјадници мигранти во транзитните центри се смрзнуваат, наводно, поради нејзината неажурност. Но, во написот отсуствуваат факти кои реално ќе ја прикажат состојбата на терен, а нема ниту изјави од засегнатите страни, во случајот Министерството за труд и социјална политика и Центарот за управување со кризи, како надлежна институција која именуваше главни координатори во транзитните центри.
Линк до оригиналниот напис: Мигрантите се смрзнуваат: Ременски ги остави прифатните центри без греење (ФОТО)
Датум и време на објавување: 10.12.2015
Датум на рецензирање: 14.12.2015
Рецензент: Силвана Жежова
НАТЕЖНУВА ОД ТЕНДЕНЦИОЗНОСТ
Насловот и целиот текст имаат цел да ја нападнат министерката Ременски, бидејќи таа се посочува како виновна за неплаќањето сметки за електрична енергија во транзитните центри. Овде, не се прави разграничување дека сметките не ги плаќа лично министерката, туку Министерството. Вината директно се префрла врз личноста, а не врз институцијата. Притоа, нема приложено ниту еден документ што ќе потврди дека сметките не се платени.
„Министерката за труд и социјална политика, Фросина Ременска еден месец ги нема подмирено обврските на Министерството за обезбедување на електрична енерргија за затоплување на објектите на транзитните центри на северната и на јужната страна.“
Во продолжението на овој напис, кој натежнува од тенденциозност, вината повторно паѓа на Ременски, при што се тврди дека таа (а, не Министерството како институција) ги:
„нема завршено постапките за да овозможи достоинствени услови, греење и затоплени шатори и објекти во транзитните центри.“
При тоа, не е наведно конкретно кои постапки треба да се завршат. Исто така, отсуствуваат и изјави од координаторите на Центарот за управување со кризи, кои би ја прикажале фактичката состојба.
Во меѓувреме (12 декември 2015 година), Министерството за труд и социјална политика соопшти кои активности се направени во транзитните центри, вклучувајќи го и тој во Табановце, кој во текстот беше посочен како центар каде што мигрантите се смрзнуваат.
„Обезбедени се 4 агрегати, 2 контејнери за потребите на центарот, трајно напојување со електрична енергија за пунктот во Табановце, поставување на трафостаница, обезбеден шатор-кујна каде ќе се врши дитрибуција на топли напитоци и супа. Во тек се активности за обезбедување грејни тела за затоплување на шаторите, како и поставување на дополнителни тоалети и септичка јама од причини што во моментот низ кампот во кој транзитираат повеќе од 2.000 лица дневно постојат само 10 тоалети.“
Текстот е коментаторски, изворите се анонимни, па иако, можеби, тоа што во него се пишува е вистина, нема факти што ќе го потврдат тоа. Кога се пишува за одредена ситуација на терен, потребни се аргументи што ќе го докажат тоа и, секако, изјави од засегнатите страни. Онака, пак, како што е пласиран овој материјал, тој остава впечаток дека има цел по секоја цена да се оцрни првиот човек на институцијата.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
анонимни
нерелевантни
не може да се утврди
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
манипулира
наведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
политичка дискриминација,
УРЕДЕН ЗА ВЕБ
читлив
солидни мултимедијални елементи
нема контекстуални линкови
стилски уреден
поврзан со тагови