Вулгарна сексистичка објава
Објавено во Рецензии
on 12 - 05 - 2016 Автор: Димитар Тануров[Рецензија: К…ОНСКАТА КАМЕЊАРКА СЕ НАДМИНА СЕБЕСИ: ПРОФЕСОРКА ПО УСТАВНО ПРАВО КАРАКАМИШЕВА НЕМАЈЌИ ПРАВНО-ПОЛИТИЧКИ АРГУМЕНТИ НАПИША ВРАЧЕРСКА КОЛУМНА ПОЛНА СО ТЕРМИНИ КАКО ЛУЦИФЕР, САТАНА, ЈУДА, ПЕКОЛ, ПРЕДАВНИЦИ, ПЕТОКОЛОНАШИ, ИЗДАИЦИ ИТН ИТН…]
Ова е дискриминаторска и сексистичка објава со вулгарен говор. Просто е несфатливо во „текст“ од само една реченица, како и во куриозитетниот наслов, што патем е подолг од самата објава, да се истурат толку многу навреди, гнев, па и омраза кон една личност. Без да навлегуваме во исправноста на гледиштата на споменатата професорка, начинот на кој се обраќа материјалот пред нас е недозволив.
Линк до оригиналниот напис: К…ОНСКАТА КАМЕЊАРКА СЕ НАДМИНА СЕБЕСИ: ПРОФЕСОРКА ПО УСТАВНО ПРАВО КАРАКАМИШЕВА НЕМАЈЌИ ПРАВНО-ПОЛИТИЧКИ АРГУМЕНТИ НАПИША ВРАЧЕРСКА КОЛУМНА ПОЛНА СО ТЕРМИНИ КАКО ЛУЦИФЕР, САТАНА, ЈУДА, ПЕКОЛ, ПРЕДАВНИЦИ, ПЕТОКОЛОНАШИ, ИЗДАИЦИ ИТН ИТН…
Датум и време на објавување: 05.05. 2016
Датум на рецензирање: 11.05.2016
Рецензент: Димитар Тануров
УЛИЧЕН РЕЧНИК
„Кога немаш аргументи, а кога си зел пари и кога мора како бедно и расипано камењарче покрај МТВ да пушиш, тогаш мораш да се глупираш и иако си професор на УКИМ по уставно право седнуваш и пишуваш колумна како да си селски бајач – колумна полна со приказни за Луцифер, Сатана, Јуда, пекол петоколонаши предавници издаици итн итн…“
Фактички, ова е целиот „напис“! А , згора на недоличниот говор од кој натежнува оваа „содржина“, вулгарен речник е употребен дури и за да се посочи на линкот кој води до колумната на професорката:
„Еве линк до ова спектакуларно к..инско с…е ОВДЕ“
Ваквата комуникација со јавноста е непримерна и заслужува секаква осуда.
Идејата на овој материјал од три реда, врамен со наслов од пет реда(!) и испишан со приземен речник, не е ништо друго освен лична дискредитација на професорката. Во него се наведува дека таа е платена од владејачката партија, но за овие тврдења не се нудат никакви докази.
ОВА НЕ Е НОВИНАРСТВО!
На читателите им е понудена една сексистича и дикриминаторска медиумска содржина, која користи уличен говор и етикетира. Несогласувањето со ставовите на професорката, никако не може да биде оправдување за користење на вакви навредливи зборови. Тоа не е новинарство!
Манирот во кој е напишана и пласирана оваа објава е во спротивност со принципите искажани во новинарскиот Кодекс и насоките во Прирачникот за етика во новинарството. Овие документи укажуваат дека новинарите имаат посебна одговорност за јавно искажаниот збор, како и тоа дека нивните ставови се важни фактори во обликувањето на јавното мислење, поради што говорот на омразата е неспоив со новинарската етика.
Новинарот нема свесно да создава ниту преработува информации што ги загрозуваат човековите права или слободи, нема да говори со јазикот на омразата и нема да поттикнува на насилство и на дискриминација по која било основа (национална, верска, расна, полова, социјална, јазична, сексуална ориентација, политичка…). (член 10)
Новинарот треба да прави разлика меѓу фактите и мислењата, меѓу веста и коментарот. (Член 13)
Новинарот мора да ја негува културата на говорот и етиката. Неспојливо со новинарската професија е непримерната комуникација со јавноста. (Член 15)
Новинарот ќе ги чува угледот и достоинството на својата професија, ќе ги поттикнува заемната солидарност и различност на ставовите и нема да го употреби својот медиум за пресметка со личности, вклучувајќи ги и своите колеги. (Член 16)
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
ИЗВОРИ НА ИНФОРМАЦИИ
има евидентирани извори
неофицијални
нерелевантни
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
извртување на вистина (спин)
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
навредлив говор
говор на омраза
не потикнува на насилство
дискриминира
полова дискриминација
УРЕДЕН ЗА ВЕБ
нечитлив
нема мултимедијални елементи
нема контекстуални линкови
стилски неуреден
неповрзан со тагови