Веста не смее да содржи коментари
Објавено во Рецензии
on 22 - 08 - 2015 Автор: Adrian Kerimi
[Рецензија: Што бараше Абдилаќим Адеми во Струга кај Азиз Положани!?]
Констатациите и личните ставови, според новинарските правила, се строго забранети во една вест. Коментарот е посебен жанр и, како таков, ако се интегрира во веста, ја прави непрофесионална.
Во веста што ја рецензираме, има многу коментари и лични ставови на авоторот или на уредништвото. Еве еден од нив: „Овој последниот, со години бил занемарена личност во ДУИ, поради доминацијата на мафијашки и бизнис кланови и групации“. Во овој случај, авторот е во улога на политички опонент, а не на новинар, кој треба само да информира.
Во следниот пасус новинарот изнесува како непобитен факт една информација што не е потврдена: „….постојат три групи внатре во партијата„, и не кажува дали се обидел да ги провери овие информации за да ги потврди или отфрли.
„Средбата на Адеми со Положани предизвикала многу сомнежи и дебати во струшката јавност, имајќи ги во предвид политичките околности во струшкиот огранок, каде што, како што веќе се знае, постојат три групи внатре во партијата во овој град, и тоа групата на Рамиз Мерко, на Азиз Положани и крилото на екс-министерот Арбен Лабуништи.“
Линк до оригиналниот наслов: Рецензија: Што бараше Абдилаќим Адеми во Струга кај Азиз Положани!?
Датум и време на објавување: 17.08.2015
Датум на рецензија: 18.08.2015
Рецензент: Aдриан Керими
Авторот се повикува на „извори внатре во ДУИ“. Ова во новинарството е познато како анонимен и непотврден извор. Во текстот се спомнуваат многу имиња и од ниеден од нив не е побаран став.
„Извори внатре во ДУИ говорат отворено за повторното враќање на екс-министерот Азиз Положани во раководните структури во Струга, дури се зборува и дека Положани размислува да биде кандидат на ДУИ на наредните локални избори, која што, се вели дека е цел и на актуелниот пратеник, Рамиз Мерко.“
Авторот го завршува текстот, отворајќи едно друго поглавје, она на внатрепартските проблеми на ДУИ во Куманово и во Тетово. Сепак, не објаснува што се случило и како завршиле поделбите во ДУИ во овие два града.
„Политичка „битка“ на ДУИ во Струга, со секоја ден станува се „пожешка“, а слична ситуација владее и во другите градови во земјата, како Куманово и Тетово.“
Тенденциозниот наслов, кој има цел да привлече читатели, не дава одговор на прашањето „Што бараше Абдилаќим Адеми во Струга кај Азиз Положани!?“. Ова го прави текстот нечитлив и ги разочарува читателите.
(Од Сервисот за проверка на факти во медиумите на албански јазик)
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
неточни наводи
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
анонимни
нерелевантни
не може да се утврди
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не ја прикажува
извртување на вистина (спин)
лажни информации
наклонетост
друга пристрасност
КОМЕНТИРАЊЕ
има коментаторски елементи
издвоено од фактите
ПЛАГИЈАТ
не може да се одреди
ненаведен автор, ненаведен извор
КВАЛИТЕТ НА НАСЛОВОТ
не информира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
неквалитетни мултимедијални елементи
нема контекстуални линкови
делумно стилски уреден
неповрзан со тагови