Вест изгубена во регионот
Објавено во Рецензии
on 19 - 08 - 2016 Автор: Ана Анастасовска
[Реценција: ВИДЕО: Сите го видоа апсењето на педофилот Драган кој го измами мајка на негова жртва]
На текстот што е предмет на оваа рецензија му недостигаат географски одредници и извори, односно информации за тоа каде се одвивал настанот и од каде се преземени информациите.
Линк на оригиналниот напис: ВИДЕО: Сите го видоа апсењето на педофилот Драган кој го измами мајка на негова жртва
Датум и време на објавување: 13.08.2016
Датум на рецензирање: 18.08.2016
Рецензент: Ана Анастасовска
НЕДОСТИГААТ ГЕОГРАФСКА ОДРЕДНИЦА И ИЗВОРИ
Оваа вест е ставена во категоријата „Регион“, иако читајќи го насловот и написот не може да се добие таков впечаток.
Насловот: „Сите го видоа апсењето на педофилот Драган кој го измами мајка на негова жртва“, не прецизира ништо, ниту од каде е педофилот ниту. пак, каде ги мамел своите жртви.
Читајќи го текстот подолу, исто така, не може да се добие таква информација. Дури на крајот од написот, каде е објавен видеозапис од неговото апсење, по логиката на она што се гледа, може да се сфати дека станува збор за вест од Србија.
Насловот намерно е така конструиран за да привлече поголемо внимание и кликнувања, односно не е прецизирано дека станува збор за вест од соседството, така што читателите лесно можат да помислат дека се работи за педофил од Македонија и брзаат да отворат, да не случајно е од нивниот град или маало.
Веста, исто така, не нуди конкретни информации, ниту има наведено извори и линкови од каде е преземена, што ја доведува во прашање нејзината веродостојност.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
не може да се утврди
комерцијална пристрасност
КОМЕНТИРАЊЕ
нема коментаторски елементи
издвоено од фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
не информира
некреативен
сензационален
несоодветен
нејасен
ФОТОГРАФИЈА
има
соодветна
информира
селективно наведен автор (извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
има контекстуални линкови
делумно стилски уреден
поврзан со тагови