Плукање по политички опоненти за да се испере нечиј образ
Објавено во Рецензии
on 23 - 07 - 2015 Автор: Александар Пешев
[Рецензија: СДСМ се претераа себе си. Груевски не е и никогаш не може да биде Фрчкоски!]
Текст кој повеќе наликува на писмо до бившиот, отколку новинарска објава. Поранешни функционери се ставени на столб на срамот со вулгарни квалификации, а преку коментаторски елементи се брани првиот човек на актуелната власт, која располага со народните пари. Нема ни обид да се прикрие навивачкиот провладин елемент на објавата полна со коментари и со шпекулации.
Линк до оригиналниот напис: СДСМ се претераа себе си. Груевски не е и никогаш не може да биде Фрчкоски!
Датум и време на објавување: 20.7.2015, 20:15
Датум на рецензирање: 22.7.2015
Рецензент: Александар Пешев
Тука немаме новинарски текст, па дури ни коментар, имајќи предвид дека објавата не е заснована ниту на факти, ниту на аргументи, па макар и здраворазумски.
Одбраната на јавниот интерес инволвира контролирање на начинот на кој актуелните избраници ги трошат народните пари. Токму тоа е еден елемент од улогата на професионалните новинари како чувари на демократијата. Тука имаме чиста спротивност:
„… пропагандистите на СДСМ почнаа со филмови од црната пропаганда, како на пример, каде е премиерот Никола Груевски на одмор и колку скапи очила носел. Груевски е на одмор, како и секој од нас кога ќе му дојде време.“
Токму така. Како се осмелувате да пишувате за скапите очила на човекот што го плаќате од ваши народни пари? Бруки! Оние што не ги трошат народните пари се обвинуваат за пропаганда за да се оправдаат скапите очила на премиерот. Потоа се оди со формулации кои создаваат впечаток дека нападот е најдобра одбрана:
„Филмот што го продаваат за Груевски е монтажа на нивниот лик Фрчковски со часовникот од 60.000 долари, сексуални оргии во МВР, милионски профити од фришоповите на неговиот брат.“
Тука имаме чиста навреда. Но, зошто толку непристојни формулации?
„Груевски сè уште живее во својот личен стан, нема скапи часовници, одела и уметнички слики во милионски износи.“
Значи, скромен е човекот, а опозиционериве порано биле бруки? Токму тука се согледува политичката пристрасност на објавата, јасно насочена кон одбрана на премиерот. Следи уште една серија навреди за припадници на опозицијата за на крај да се заклучи дека актуелниот претседател на владата е скромен. Имаме објава која, жаргонски кажано, е наменета за плукање по политички опоненти со веројатна крајна цел да се испере нечиј образ.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
несеопфатнo
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор, ненаведен извор
КВАЛИТЕТ НА НАСЛОВОТ
дезинформира
некреативен
сензационален
соодветен
тенденциозен
ФОТОГРАФИЈА
има
соодветна
манипулира
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
неквалитетни мултимедијални елементи
нема контекстуални линкови
делумно стилски уреден
неповрзан со тагови