ТВ-новинари се исплашија од камера?
Објавено во Рецензии
on 3 - 03 - 2015 Автор: Александар Пешев
[Рецензија: СДСМ ги снима новинарите]
Нејасна информација која не одговара на прашањето зошто е ова е важно? Уште повеќе изненадува фактот што ТВ-камера насочена кон лица кои се вработени во телевизија предивикува вознемиреност.
Наслов на анализираниот напис: СДСМ ги снима новинарите
Датум и време на објавување: 15.2.2015
Датум на рецензирање: 19.2.2015
Рецензент: Александар Пешев
Па што? Ова е клучно прашање кое треба да се постави пред која било објава, бидејки основна функција на новинарството е да понуди информации што се од јавен интерес, поточно вести кои би биле корисни за аудиториумот. Во случајов, имаме новинари кои се жалат дека биле снимани. Зошто е тоа релевантно за публиката, не се знае.
БОРБА ЗА ОБЈАВУВАЊЕ
Снимањето прес-конференции од организаторите не е новост. Поголемите политички партии, покрај телевизиите, ги снимаат своите прес-конференции за потоа на редакциите да им понудат линк или готов видеоматеријал, кој им ја зголемува шансата за објавување, особено ако медиумот немал можност или првичен интерес за снимање на настапот.
КОНТРАПЛАН
На секој ТВ-новинар му е јасен концептот на контраплан: снимка од спротивен агол, која се користи при монтажа за да се покрие сечењето на изјавата и да се избегне таканаречен „валкан рез“ – скок во кадар сниман од ист агол. Останува нејасно зошто за колегите од телевизијата која го објавува прилогот ова е нејасен концепт. Можеби актуелната политичка ситуација потпалува параноја, можеби нема симпатии кон домаќинот што ја организира прес-конференцијата. Во секој случај, имаме објава која наликува на лов на вештерки, кога авторот од мравка прави слон. Не се знае дали текстот се базира на факти. Се создава сомнеж за политичка наклонетост, особено ако се има предвид дека од сите партии што ги снимаат своите прес-конференции, токму на конференцијата за медиуми на СДСМ настанала конфронтација за која се објавува текст. Сомнежот за новинарски спин се создава со фактот дека објавата доаѓа во моментот кога е актуелна афера за прислушување. Факти нема – тврдењата се на „жими мајка“.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
несеопфатнo
ПРИСТРАСНОСТ
не може да се утврди
извртување на вистина (спин)
не може да се утврди
Не може да се утврди
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
креативен
сензационален
соодветен
нејасен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
неквалитетни мултимедијални елементи
нема контекстуални линкови
делумно стилски уреден
неповрзан со тагови