Целосно „забегани“ текстови и „чуден“ воен аналитичар
Објавено во Рецензии
on 28 - 12 - 2015 Автор: Зоран Бојаровски
[Рецензија: Трета светска почнува во четврток – Лазански прислушувал разговори на НАТО офицери]
За што известува медиумската содржина што ја рецензираме? Таа известува дека в четврток ќе почне третата светска војна. Текстот се повикува на некојси портал ли, весник ли, што ли е, кој се вика, замислете – „Табу“ и пренесува изјава на Мирослав Лазански, кого го нарекува „најистакнат воен аналитичар на екс-ју просторите“.
Тој, најистакнат воен аналитичар, датумот кога ќе почне третата светска војна го дознал додека прислушувал група генерали во некојси хотел во Виена!
Што? Не ви се верува? Дозволете ми уште еднаш да ви ја опишам ситуацијата при која се случило големото откритие.
Во еден хотел во Виена, се собрале група генерали на НАТО и во фоајето на хотелот го договарале датумот за почеток на третата светска војна. Арно ама, тие не забележале дека зад нив, свртен со грб, бил најистакнатиот воен аналитичар од поранешните југословенски простори. Лазански се преправал дека ги разгледува моцарт-куглите, а валцерите на таткото и на синот Штраус не биле толку гласни за да му попречат на Лазански да го слушне „клучниот фрагмент ѝ се открива на светската јавност“ – во четврток почнува третата светска војна.
Дали сега ви се верува? Се разбира – не!!!
Линк до оригиналниот напис: Трета светска почнува во четврток – Лазански прислушувал разговори на НАТО офицери
Датум и време на објавување: 04.12.2015
Датум на рецензирање: 07.12.2015
Рецензент: Зоран Бојаровски
ФАНТАЗМАГОРИЈА
Тоа што нема ниту збор ниту, пак, линк до „Табу“ од каде што, наводно, се презема оваа содржина, е најмал пропуст. Целата идеја да преземете една ваква содржина (за која, уште еднаш нагласувам, не знаеме од каде е преземена бидејќи освен назив на некојси медиум, нема линк), е навистина, најблаго кажано – несериозна.
Еве, јас уште еднаш ја прочитав и веќе нема да ја читам зашто почна силно да ме тера на смеење, а тоа не е добро за објективноста на рецензијата.
Но, ви се молам, што од методологијата за проверка на фактите од медиумите да ѝ спротиставите на оваа медиумска содржина за да ја одмерите нејзината веродостојност?
За изворот веќе констатиравме. За вистинитоста треба да му веруваме само на прислушкувачот Лазански. Но, можете ли да му верувате на аналитичар кој во хотел во Виена прислушкувал заговор за трета светска војна? Смешно е, нели ви реков.
На, крајот, вусшност се крие јадицата на оваа небулоза, а тоа е дека целата оваа фантазмагорија на аналитичарот е да се изрекламира неговата книга.
А медиумите се фатија на неговата јадица…
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
нерелевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
не може да се утврди
не може да се утврди
наклонетост
политичка пристрасност
КОМЕНТИРАЊЕ
нема коментаторски елементи
ПЛАГИЈАТ
целосна копија
наведен извор без линк
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови