Текст како „обвинителен акт“
Објавено во Рецензии
on 26 - 12 - 2015 Автор: Силвана Жежова
[Рецензија: Додека Бекири правел криминал за СДСМ, сопругата зема пари од ПОЦ]
Текстот што е пред нас зрачи со тенденциозност уште од насловот: „ Додека Бекири правел криминал за СДСМ, сопругата зема пари од ПОЦ“. Целиот материјал натежнува од обвиненија за Бекири за кои отсуствуваат какви било факти. Со леснотија и без докази му се припишуваат криминални активности, кои тој, наводно, ги извршувал во име на СДСМ.
Линк до оригиналниот напис: Додека Бекири правел криминал за СДСМ, сопругата зема пари од ПОЦ
Датум и време на објавување: 22.12.2015
Датум на рецензирање: 25.12.2015
Рецензент: Силвана Жежова
ОЦРНУВАЊЕ
Написот на самиот почеток му припишува на Бекири партиска поврзаност, како и тоа дека, наводно, намерно креирал лажни афери за да ѝ наштети на владејачката партија. Во него се изнесуваат обвиненија за кои не постојат конкретни судски докази.
„Захир Бекири кој е дел од структурите на СДСМ имал за цел да креира лажни афери со цел намалување на рејтингот на функционерите на владејачката партија. Во неговата фабрика се фалсификувале афери, но и бугарски пасоши, како и швајцарски сметки.“
За да ги убеди читателите дека Бекири имал „тесна врска со опозициски функционери“, текстот дури го инволвира и неговиот малолетен син. Тоа е недозволиво во етички исправното новинарство.
Во овој манипулативен напис е прикажан скриншот од ФБ-профилот на Бекири, на кој се гледаат фотографии што треба да „посведочат“ за неговата поврзаност со СДСМ.
„На неговиот профил на социјалните мрежи може да се забележи дека на 3-ти декември годинава го фотографирал и својот син со Генералниот секретар на СДСМ, Оливер Спасовски.“
Понатаму, текстот се обидува да „докаже“ дека како резултат на некаква партиска блискост и наводно одработување за опозициската партија, сопругата на Бекири е вработена во „Паркинзи на општина Центар“, претпријатие на кое, исто така, му се дава партиски предзнак.
Па, во отсуство на цврста аргументација и извори што ќе ја потврдат веродостојноста на наводите, оваа медиумска содржина во која затаиле професионалните новинарски принципи, има цел да го оцрни Бекири и по секоја цена да му натовари „обвинителен акт“.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
нерелевантни
не може да се утврди
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
нема
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
политичка дискриминација,
УРЕДЕН ЗА ВЕБ
средно читлив
не апликативно
нема контекстуални линкови
делумно стилски уреден
поврзан со тагови