Текстовите на социјалните мрежи не се вести
Објавено во Рецензии
on 3 - 08 - 2015 Автор: Adrian Kerimi
[Рецензија: Фејзи Хајдари и Исен Салиу од весникот ЛАЈМ со пријатели на Мијалков, вели Зиадин Села]
Социјалните мрежи се дополнителен простор за искажување мислења или, пак, за да се даде информација. Но, за да добијат тежина на вест, овие информации треба да се проверат. Уште повеќе кога се работи за тешки обвиненија, иако доаѓаат од јавни личности.
Линк до оригиналниот напис: Рецензија: фејзи Хајдари и Исен Салиу од весникот ЛАЈМ со пријатели на Мијалков, вели Зиадин Села
Датум и време на објавување: 27.07.2015
Датум на рецензија: 28.07.2015
Ресензент: Aдриан Керими
Веста што ја рецензираме се однесува на ставот на градоначалникот на Струга, кој на својот профил на „Фејсбук“, пишува дека сопственикот и главниот уредник на дневниот весник „Лајм“ се пријатели со поранешниот директор на Управата за безбедност и контраразузнавање, Сашо Мијалков.
Најпрво, објавувањето на ова соопштение во вид на вест не ги исполнува елементите на една професионална вест. Изјавата на само една страна не потврдува ништо, а таквата информација не објаснува зошто е дадена таа изјава и секако во овој напис не се наоѓаат спомнатите страни.
Претставена на овој начин, веста е тенденциозна и има цел да ги извалка наведените лица.
Насловот е нејасен, текстот почнува парафразирајќи го градоначалникот на Струга, Зијадин Села, а во истиот параграф новинарот се надоврзува на еден друг настан, кој, според него, ја предизвикал реакцијата на градоначалникот на Струга. „Градоначалникот на Струга, Зијадин Селам на едно свое постирање на Фејсбук, реагирал на еден на напис во весникот Лајм, во врска со убиството на Аргетим Асани во Струга“.
„Бидејќи сум јавна личност, не треба да ги држам во тајност од јавноста, а исто за на сопственикот на весникот „Лајм“, Фејзи Хајдари да му биде јасно колку ми е познат починатиот. Во тој случај да му одговорам јавно! Го знам колку што го знам и едно лице од Куманово. Верувам дека се сеќавате, пред една година, кога вие заедно со, за мене почитуваниот новинар Исен Салиу, ме побаравте на телефон за да се сретнеме во Струга, и јас со задоволство прифатив. Кога дојдовте, заедно со вас беше и едно трето лице, кое што јас не го познавав, а за кого, во текот на разговорот ми рече дека е ваш пријател и пријател на Мијалков. Држи го пријател за себе, Фејзи Хајдари, бидејќи кај мене проработува генот и по автоматизам ме оддалечува од такви пријатели“
Новинарот може да се обиде да направи вест од некои објави на социјалните мрежи, но текстот не може да се потпира само на нив за да биде вест, уште повеќе кога не е претставен и ставот на другата страна во неа. Ниту сопственикот Фејзи Ајдари, ниту главниот урденик на весникот „Лајм“, Исен Салиу, не ги искажале своите ставови за овие обвиненија во текстот. Во оваа вест авторот не информирал според професионалните новинарски рамки и во текстот се забележува целосна едностраност. Освен ова, новинарството нè учи дека насловите не треба да бидат тенденциозни или сензационални.
(Од Сервисот за проверка на факти во медиумите на албански јазик)
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
тие се лични ставови
веродостојни наводи
ИЗВОРИ НА ИНФОРМАЦИИ
нема евидентирани извори
неофицијални
нерелевантни
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не ја прикажува
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
нема коментаторски елементи
издвоено од фактите
ПЛАГИЈАТ
не може да се одреди
ненаведен автор, ненаведен извор
КВАЛИТЕТ НА НАСЛОВОТ
не информира
некреативен
несензационален
несоодветен
нејасен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
неквалитетни мултимедијални елементи
има контекстуални линкови
стилски уреден
поврзан со тагови