Текст со сите нишани
Објавено во Рецензии
on 15 - 01 - 2016 Автор: Владимир Мирчески[Рецензија: Аналитичари: Нема услови за фер избори без целосна имплементација на Пржино]
Текст правен како што треба, нареден, стокмен, со сите новинарски нишани – од извори, до јасно именувани соговорници, лишен од непотребни сугестивни интервенции и од коментари. Материјал што на публиката ѝ разглобува една сложена политичка ситуација.
Линк до оригиналниот напис: Аналитичари: Нема услови за фер избори без целосна имплементација на Пржино
Датум и време на објавување: 12.01.2016 18:05
Датум на рецензирање: 14.01.2016
Рецензент: Владимир Мирчески
УБАВ ПРИМЕР
Имаме комплексно прашање на кое му е пристапено професионално, сè за на јавноста да ѝ се понуди подобра слика за прашањето низ согледувањата и анализите на неколкумина соговорници, секој од нив одлично упатен во одредени аспекти од проблемот што се анализира. Станува збор за универзитетски професор, советник за национална безбедност и за надворешни прашања на двајца претседатели на РМ, експертка од областа на евроинтеграции која долги години беше и дел од владиниот секретаријат за европски прашања и новинар-аналитичар со богата кариера, човек со добри контакти со претставници на меѓународната заедница. Нивните ставови се сублимирани во овој напис, кој се обидува да ја објасни ситуацијата околу предвремените избори, дали има услови за нивно спроведување во април, што значи ненадејната средба меѓу американскиот потпретседател и македонскиот премиер во Вашингтон, што може да се очекува од посетата на еврокоемсарот за проширување на Скопје…
Иако секогаш ќе има такви кои ќе спорат дека соговорниците се „блиски“ до опозицијата, но имаме контрааргумент – авторката на текстот се обидела да стапи во контакт со уште двајца аналитичари кои важат за поблиски до десниот камп, но кои не дале повратен одговор. Значи, во ниту еден момент не може да се спори намерата за објективност и за држење професионална дистанца од, условно кажано, двете страни. Обидот да се стапи во контакт со уште двајца на веќе постојните три соговорници зборува за добра новинарска ангажираност.
Паралелно со изјавите на домашните познавачи на состојбата се нудат и позициите на европратеничката тројка, која беше во Скопје токму за да го олесни пронаоѓањето решение за ситуацијата и за рестартирање на т.н. Пржино-процес. Со тоа дополнително се збогатува содржината на написот што, пак, разбирливо значи поголем квалитет за публиката на која ѝ е наменет. Коректно се пренесени странските посредници и од новинарска гледна точка „извлечени“ се главните пораки, без да се забошотат клучните елементи од нивните настапи.
Материјалот е ослободен од непотребни коментари, квалификации, заклучоци и од наметнување сопствени ставови на читателите. Едноставно, земени се изјави од неколкумина, добро се вклопени и предочени пред јавноста. Убав пример за квалитено сработен текст.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
официјални
релевантни
повеќе извори
повеќестрани
СЕОПФАТНОСТ
сеопфатнo
нема прикриени информации
ПРИСТРАСНОСТ
нема извртување на вистина (спин)
нема лажни информации
балансираност
КОМЕНТИРАЊЕ
нема коментаторски елементи
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
информира
некреативен
несензационален
соодветен
јасен
ФОТОГРАФИЈА
има
соодветна
информира
селективно наведен автор (извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
стилски уреден
неповрзан со тагови