Текст од кој ве обзема срам
Објавено во Рецензии
on 3 - 11 - 2015 Автор: Владо Ѓорчев
[Рецензија: Ќерката на Наум Петрески потполно гола ги распамети фановите]
Пред нас имаме информација од која, кога ќе ја прочитате, веднаш ве обзема срам. Измешана вест со коментар, со фотографија преземена од „Фејсбук“ и градена со вулгарноси, омаловажувања, навреди. Не само на личноста, која ниту виновна, ниту должна се појавила овде, туку се инволвира и нејзиниот татко, како и еден новинар, без притоа да се каже зошто. Иако написот не е дефиниран дали е вест или коментар, во секој случај дисквалификува и оцрнува една јавна личност.
Линк до оригиналниот напис: Ќерката на Наум Петрески потполно гола ги распамети фановите
Датум и време на објавување: 30.10. 2015
Датум на рецензирање: 02.11.2015
Рецензент: Владо Ѓорчев
Во новинарството се знае дека и покрај тоа што треба да се пишува за јавните личности и за луѓето што имаат јавни функции, секогаш мора да се разграничи тоа што може и што не може да се напише.
Покрај овие драстични кршења на етиката, прекршен е и член 10 од Кодексот на новинари на Македонија:
Новинарот нема свесно да создава ниту преработува информации што ги загрозуваат човековите права или слободи, нема да говори со јазикот на омразата и нема да поттикнува на насилство и дискриминација по која било основа (национална, верска, расна, полова, социјална, јазична, сексуална ориентација, политичка…).
Овој напис нема никаква врска со новинарство. Ги гази сите принципи на кои почива новинарската професија и етика. Тешко може да се поверува дека оваа „вест“е релевантна за јавноста затоа што јасна е намерата за оцрнување на личноста чија интима е нападната.
Новинарот мора да негува култура на говор. Новинарството не е само информација, тоа е и едукација. А каква едукативна порака праќа ова четиво?
Тука имаме дополнително и мешање на факти со коментари и, во крајна линија, целосна злоупотреба на слободата на говорот.
Може да се заклучи дека ова е дно во новинарството кое ги преминува сите линии: на професионални стандарди, на добар вкус, задирајќи во нечија приватност и изложувајќи ја на потсмев. Во вакви случаи останува само да се праша дали ова може да се смета за новинарство?
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
неточни наводи
неверодостојни наводи
ИЗВОРИ НА ИНФОРМАЦИИ
има евидентирани извори
неофицијални
нерелевантни
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
извртување на вистина (спин)
лажни информации
Не може да се утврди
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор, наведен извор без линк
КВАЛИТЕТ НА НАСЛОВОТ
не информира
некреативен
сензационален
несоодветен
тенденциозен
ФОТОГРАФИЈА
има
соодветна
манипулира
наведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
дискриминира
полова дискриминација, социјална
УРЕДЕН ЗА ВЕБ
средно читлив
неквалитетни мултимедијални елементи
нема контекстуални линкови
делумно стилски уреден
неповрзан со тагови