Текст кој веќе го прогласи победникот на изборите
Објавено во Рецензии
on 19 - 10 - 2016 Автор: Силвана Жежова
[Рецензија: Провиден обид за нова деструкција и конфликтност од страна на СДСМ: Повторно наместо проекти и програма сакаат бегство од избори со предвидливи и срамни потези]
Написот изнесува невистини во однос на дејствувањето на опозицискиот СДСМ, а поводот е тоа што беше предводник на граѓанскиот марш на 11 Октомври. Со маршот, организаторите го одбележаа Денот на востанието во Македонија и испратија порака за слобода, што никаде во текстот не се спомнува, иако е искористена фотографија од тој настан. Ова демократско право на протестирање не може да се доведе во корелација со програмата на СДСМ, која начелно партијата ја претстави на последниот конгрес на 2 октомври, со наслов „План за Македонија“.
Линк до оригиналниот напис: Провиден обид за нова деструкција и конфликтност од страна на СДСМ: Повторно наместо проекти и програма сакаат бегство од избори со предвидливи и срамни потези
Датум и време на објавување: 13.10.2016
Датум на рецензирање: 18.10.2016
Рецензент: Силвана Жежова
ТВРДЕЊА БЕЗ ПОТКРЕПА
Текстот не нуди потврда дека членовите на СДСМ на социјалните мрежи изразуваат разочарување од партијата. За коментарите од „Фејсбук“, кои наводно треба да го поткрепат ова тврдење и се ставени најдолу во текстот, не се знае ниту под чиј и каков статус се напишани, а истите можат лесно да бидат исценирани од политичкиот опонент. Исто така, за експертот не постои квалификација опозициски или провладин, тој или е експерт или не е. А кога сме веќе тука, уште помалку со сигурност треба да се тврди кој ќе биде победникот, а кој губитникот.
„Членовите СДСМ по социјалните мрежи искажуваат разочарување и се прашуваат до кога СДСМ ќе ја држи цела држава во криза. Ниту меѓу опозициските експерти веќе нема дилеми. СДСМ го чека нов пораз на изборите на 11 декември“.
Овој дел од текстот дезинформира во однос на ефектот од прислушуваните материјали и наводната партизација на Специјалното јавно обвинителство, кое е формирано поради прислушуваните разговори. Овие материјали имаа ефект врз промените на политичката сцена, бидејќи многу министри и првите луѓе на одредени институции се сменија, а како резултат на Договорот од Пржино, произлегоа и техничките министри.
Земјата долго време е во политичка криза, а претседателот на Собранието, Трајко Вељаноски, денеска ги распиша изборите на 11 декември. За „урнисувањето на градот“ не е прецизирано за што конкретно се тврди.
„Прислушуваните материјали, партизацијата на Специјалното обвинителство и урнисувањето на главниот град, не дадоа никаков ефект. Рејтингот на СДСМ се уште далеку зад оној на ВМРО-ДПМНЕ“.
ТЕКСТОТ СЕ ПОБИВА САМИОТ
Во однос на пишувањето за рејтингот (Рејтингот на СДСМ се уште далеку зад оној на ВМРО-ДПМНЕ), текстот се демантира самиот, бидејќи и аналитичарот чија изјава во текстот е пренесена го побива тврдењето дека разликата на рејтингот меѓу СДСМ и ВМРО-ДПМНЕ е голема.
„ВМРО-ДПМНЕ од една страна веројатно по изборите ќе се збогува со комотното мнозинство, а СДСМ има малку време да ја надомести разликата во рејтингот, која не е веќе така голема, но сепак постои – вели Марковиќ во изјава за Дојче Веле“.
Поводот за дискредитација на опозициската партија е тоа што го предводеше граѓанскиот марш, настан кој во насловот на текстот се оценува како „обид за нова деструкција и конфликтност од страна на СДСМ“. Текстот не е сеопфатен и целосно содржаен, бидејќи маршот е искористен како повод за да се шпекулира во однос на рејтинзите на партиите.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални
релевантни,
повеќе извори
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
не информира
некреативен
сензационален
соодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
дискриминира
политичка дискриминација,
УРЕДЕН ЗА ВЕБ
читлив
не апликативно
нема контекстуални линкови
стилски уреден
поврзан со тагови