Текст кој од спортски натпревар прави политички скандал
Објавено во Рецензии
on 1 - 09 - 2016 Автор: Силвана Жежова
[Рецензија: ЗАЕВ СЕ ЗДРУЖИ СО „БАЛИСТИТЕ“: Лидерот на СДСМ покрај знамиња на УЧК навиваше за Шкендија (ФОТО)]
Текстот што е предмет на рецензија има цел неосновано и без факти да го претстави лидерот на опозицијата, Зоран Заев, како предавник на македонскиот народ и нација, бидејќи присуствувал на натпревар меѓу фудбалските клубови „Шкендија“ и „Гент“. Заев е „виновен“ поради тоа што седел на неколку метри од местото каде што се „вееле знамиња на УЧК и шалови со карта на голема Албанија“, и, според текстот, тоа значи дека лидерот на опозицијата ја поддржува идејата за Голема Албанија.
Иако на овој натпревар присуствуваа и други политичари и јавни личности, само Заев се најде на мета на медиумската хајка поради овој гест. Од фудбалскиот клуб „Шкендија“ информираа дека државниот врв добил покана за вчерашниот натпревар, но тие не се одѕвале, а меѓу присутните бил и вицепремиерот Владимир Пешевски.
Линк до оригиналниот напис: ЗАЕВ СЕ ЗДРУЖИ СО „БАЛИСТИТЕ“: Лидерот на СДСМ покрај знамиња на УЧК навиваше за Шкендија (ФОТО)
Датум и време на објавување: 26.08.2016 – 0:34
Датум на рецензирање: 31.08.2016
Рецензент: Силвана Жежова
„НАВИВАЊЕ“ ЗА ОЦРНУВАЊЕ
Што е вината на Заев што на фудбалски натпревар на трибини прави „селфи“, написот не нуди одговор. Да седиш до некого, автоматски не значи дека го поддржуваш во неговите ставови, па оттука и тоа што Заев седел во близина на навивачи кои развеале знамиња на УЧК, не значи дека ја поддржува нивната идеологија. Лидерот на опозицијата присуствуваше на голем спортски настан, односно на фудбалски натпревар на кој „Шкендија“, доколку победеше, ќе обезбедеше пласман во групната фаза од Лигата на Европа. Таква можност ретко им се пружа на македонските фудбалски клубови.
„На трибините на арената „Филип Втори“ вечерва се појави и Зоран Заев, лидерот на СДСМ, каде Шкендија играше дуел со белгискиот ФК Гент. Тој седеше во ложата на трибините и си правеше „селфи“, додека во исто време на само неколку метри од него се вееја знамиња на УЧК, шалови со карти на голема Албанија, а висеше и платно со ликот на балистот Џемо Хаса“.
За обвинувањата во кои Заев, наводно, се здружил со навивачите на „Шкендија“, т.н „балисти“, со свој став излезе и лидерот на опозицијата, кој истакна дека, како и многу од граѓаните, и тој го сака фудбалот: „Јас ја сакам Македонија и затоа навивам за нашите клубови. Вчера играа Македонци, Албанци, Бошњаци и други и сите се бореа за иста цел, тоа е убавината на спортот и на Македонија. Жално е што тоа не го препознаваат нашите противници. Јас ќе продолжам да го поддржувам македонскиот спорт и горд сум на тоа, се гледам на следниот меч“, се вели во реакцијата на Заев.
ДАЛИ ТРЕБАШЕ ДА СЕ ПОЈАВИ КАКО ПОЛИЦАЕЦ?
„На социјалните мрежи се појавија реакции и големи критики упатени кон Заев што се здружил со навивачите на Шкендија, т.н. „балисти“, кои се познати по националистички навивања и по сценографија и скандирања со кои ги величаат голема Албанија и УЧК. Критиките се особено поради тоа што Заев не е забележан на натпревари на националната репрезентација“.
Текстот што е предмет на рецензија „игра“ на национална основа, што е осудена и од самиот клуб кој во својата реакција за развиорените знамиња со политичка конотација вели дека тимот не може да ја контролира ситуацијата на трибините и дека се противи на тоа што се искористува за политички цели. И во однос на национализмот, од тимот истакнуваат дека во клубот играат петмина Македонци, генералниот секретар е Македонец и дека воопшто не станува збор за националистички клуб.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
неточни наводи
неверодостојни наводи
ИЗВОРИ НА ИНФОРМАЦИИ
неофицијални
нерелевантни,
не може да се утврди
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
соодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема говор на омраза
не потикнува на насилство
верска дискриминација, политичка дискриминација,
УРЕДЕН ЗА ВЕБ
читлив
квалитетни мултимедијални елементи
нема контекстуални линкови
стилски уреден
поврзан со тагови