Спинерски текст
Објавено во Рецензии
on 15 - 01 - 2016 Автор: Ана Анастасовска
[Рецензија:Несериозен настап на Заев: Се пожали дека Груевски многу го имало на телевизија]
Ова е еден наменски скроен, манипулативен текст кој ја спинува вистината. Тенденциозноста е видлива уште со изборот на насловната конструкција: „Несериозен настап на Заев: Се пожали дека Груевски многу го имало на телевизија“
Линкуван наслов на анализираниот напис: Несериозен настап на Заев: Се пожали дека Груевски многу го имало на телевизија
Датум и време на објавување: 12.01.2016
Датум на рецензирање: 15.01.2016
Рецензент: Ана Анастасовска
НАМЕНСКА КОНСТРУКЦИЈА
Написот пренесува информација дека лидерот на СДСМ, Зоран Заев, бил гостин во вестите на телевизија „Канал 5“. И, наместо професионално да се извести што кажал Заев во интервјуто, се плука по него.
„За сериозни теми одговараше несериозно и имаше блед телевизиски настап.“
Тука имаме констатација без факти. Имено, не е наведено кои се тие сериозни теми за кои зборувал Заев и какви биле неговите одговори. Задача на новинарот е да известува, а јавноста потоа сама ќе даде оцена каков бил настапот на Заев. Вака напишаниот текстот, има цел да го убедува читателот и да манипулира со него.
„Говорејќи за медиумите, Заев само уште еднаш докажа дека тој не се залага за слобода на медиуми, туку бара лично да се вмеша во уредувачката политика на медиумите. Така, тој во интервјуто изјави дека му било криво што премиерот Груевски многу го имало на телевизија.“
Имаме демонстрација на непрофесионалност. Написот суди, наместо да информира. Текстот наменски го толкува одговорот на Заев како обид на првиот социјалдемократ да се меша во уредувачката политика на медиумите.
„Говорејќи за договорот од Пржино, Заев истакна дека имал доверба во Катица Јанева. Специјалната јавна обвинителка со сите свои превземени чекори досега покажа дека работи како продолжена рака на СДСМ, па изјавата на Заев дека и верува беше помалку и смешна.“
Договорот од Пржино не е само Катица Јанева. Но, таа намерно е нагласена за да се направи спин дека специјалната обвинителка работи по директива на опозицијата. Не се наведени конкретни факти, кои чекори на Јанева покажале дека таа работи како продолжена рака на СДСМ. Катица Јанева беше предложена со согласност на лидерите на четирите најголеми партии и беше едногласно избрана во Собранието од сите пратеници. Според тоа, непрофесионално е да ѝ се лепат етикети дека е нечија „продолжена рака“.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
делумно
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
не информира
некреативен
несензационален
несоодветен
тенденциозен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
поврзан со тагови