Спинерска „патка“
Објавено во Рецензии
on 13 - 05 - 2016 Автор: Ана Анастасовска
[Рецензија: Таки Фити од СДСМ најавува дека ќе кратат плати]
Ова е еден крајно манипулативен и спинерски текст, кој има цел да ја збуни јавноста и да создаде слика за тоа дека СДСМ, кога би дошoл на власт, би ги намалил платите на административците. Притоа, написот се повикува на изјава на професорот Таки Фити, претставувајќи го како член на СДСМ, иако тој изјавата ја дал во друга функција и конотација.
Линк на оригиналниот напис: Таки Фити од СДСМ најавува дека ќе кратат плати
Датум и време на објавување: 11.05.2016
Датум на рецензирање: 12.05.2016
Рецензент: Ана Анастасовска
НЕДОСТИГА НАЈВАЖНАТА КОЦКИЧКА ВО МОЗАИКОТ
Уште на самиот почеток од текстот, се гледа дека тој е политички мотивиран и пропагандистички.
„Додека владејачката ВМРО-ДПМНЕ се бори за секое работно место, намалување на невработеноста и нови инвестиции, од СДСМ уште од сега најавуваат дека ќе кратат плати.“
Подолу во написот имаме пренесена изјава на Таки Фити, но, веројатно, намерно е премолчена неговата сегашна функција и наменски е претставен како член на една поранешните влади предводени од СДСМ.
„Поранешниот министер за финансии во Владата на СДСМ, но и член на партискиот совет за економија на СДСМ објавен уште во 2011 година, Таки Фити, вели дека јавната администрација е огромна буџетска ставка и оти нивните плати нема да растат, туку напротив, ќе се намалуваат.“
Она клучното што недостига во овој текст, е дека Фити сега е претседател на Македонската академија на науките и уметностите (МАНУ) и дека тој оваа изјава ја дал во функција на експерт, на академик и на прв човек на највисоката научна институција во земјава.
Она што, исто така, е важно да се напомене во оваа рецензија, е дека станува збор за вест и за изјава од 6 мај, која академикот Фити ја дал во рамки на научната расправа која се одржа во МАНУ, насловена „Република Македонија на патот кон ЕУ 2020 година, искуства, предизвици и перспективи“.
„Дали намалувањето на платите е најновата мерка на СДСМ и лидерот на опозицијата Зоран Заев, откако ја втурнаа државата во голема криза?“
Во овој дел од текстот, всушност, се крие намерата на спинот, а тоа е дека ако СДСМ дојде на власт, ќе ги намали платите во администрацијата, што нема никаква врска со вистината, имајќи предвид дека социјалдемократите сè уште немаат објавено програма за избори ниту, пак, досега (13 мај 2016 г.), најавиле дека имаат намера да предложат ваква мерка.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
информира
некреативен
сензационален
несоодветен
тенденциозен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
има контекстуални линкови
стилски уреден
поврзан со тагови