Соопштенијата за медиумите се само еден дел од веста
Објавено во Рецензии
on 24 - 10 - 2015 Автор: Fatlume Dervishi[Рецензија: Движењето Беса го поддржува Советот на родителите на училиштето „Имри Елези“]
Не може да се смета дека еден новинар професионално си ја извршил својата работа доколку едноставно само пренесува информации од официјалното соопштение на една организација или, во најлош случај, доколку целосно го пренесе соопштението на организацијата. Новинарот треба да го збогати својот напис со дополнителни информации поврзани со настанот, што ја појаснуваат идејата која ѝ се пренесува на јавноста.
Линк до оригиналниот напис: Движењето Беса го поддржува Советот на родителите на училиштето „Имри Елези„
Датум и време на објавување: 14.10.2015
Датум на рецензија: 15.10.2015
Рецензент: Фатљуме Дервиши
Во написот што е предмет на ова рецензија се пренесува (целосно) едно соопштение за печат на Движењето Беса, во кое се искажува ставот на овој политички субјект за последните настани во училиштето „Имри Елези“ (Никола Вапцаров) во Чаир. Грешката на новинарот се состои во тоа што не им објаснува на читателите дека пренесува едно соопштение за печат и дека, всушност, не се работи за вистинска новинарска вест.
„Месниот одбор на Движењето БЕСА – Чаир остро реагира против дискриминаторските образовни политики кои што се применуваат во училиштето „Имри Елези„ (Никола Вапцаров), но и против одговорните за образование во Општина Чаир, како и против Министерството за образование на Македонија, кое што ја води кадар на ДУИ.“
Новинарот требало да ја информира јавноста дека тоа што е напишано се ставови на наведениот субјект, а не негови зборови. Вака како што е напишано, се добива впечаток дека тоа се ставови на медиумот.
„Затоа, ги повикуваме одговорните органи, итно да се отоворат дополнителни паралелки и на тој начин еднаш за секогаш да се реши проблемот со зголемениот број на ученици, за да може наставниот процес да се одвива нормално.“
„Новинарот“ кој го пренесува текстот, не ставил до знаење дека повикот е на Движењето Беса, а не на медиумот.
Текстот е преполн со субјективни формулации од типот „Движењето БЕСА го поддржува Одборот на родителите на ова училиште“ и притоа цитирањето на изворот било неопходно. Освен за да се избегне субјективноста и едностраноста на текстот, цитирањето би го поштедило и новинарот од прекршување на авторските права.
Не сите читатели се запознаени со развојот на настаните во ова училиште, со изразувањето револт и со реакцијата на родителите на учениците. Затоа, новинарот требало да го пренесе и ставот на одборот на родителите или најмалку што требало да направи е да ги линкува претходните написи каде што известувал (доколку известувал) за барањата на одборот, како што се вели во текстот, „за да се обезбедат основните барања за учениците кои што се нашата иднина“.
Исто така, исто толку важно е и мислењето на одговорните органи на училиштето, на Општината Чаир и на Министерството за образование, бидејќи прстот е насочен кон нив, како одговорни за ситуацијата. Заднината би дала многу појасна смисла на намерата за објавување на оваа јавна порака.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
не може да се утврди
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
целосна копија на соопштеније за печат
КВАЛИТЕТ НА НАСЛОВОТ
информира
креативен
несензационален
соодветен
јасен
ФОТОГРАФИЈА
има
несоодветна
ни манипулира ни информира - ставена е само како илустрација
се работи за лого
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
нема мултимедијални елементи
нема контекстуални линкови
стилски уреден
неповрзан со тагови