Шегата не може да биде замена за вистината
Објавено во Рецензии
on 7 - 07 - 2015 Автор: Зоран Бојаровски[Рецензија: Заврши референдумот: Грција премина на драхма]
Две невистини има во медиумската содржина што ја рецензираме. Првата е во насловот, бидејќи не може да се изведе наслов кој категорично тврди дека Грција премина на драхма, а втората е текстот и тврдењата во него, изведени врз основа на една фотографија на фискална сметка. Од неа може да се види дека во моментот кога е фотографијата направена (5 јули, 12.13 часот) референдумот ниту бил завршен, ниту, пак, дека сметката е наплатена во старата грчка валута.
Линк до оригиналниот напис: Заврши референдумот: Грција премина на драхма (фото)
Датум и време на објавување: 05.07.2015, 22:53
Датум на рецензирање: 07.07.2015
Рецензент: Зоран Бојаровски
Да, точно е дека новинарите можат да се „зезаат“ или да преземаат содржини кои се сатира и слично, но тоа мора да биде јасно назначено.
Во овој случај, наместо таков наслов, кој е невистинит, можело да се „игра“ со иронија и со сатира соодветна на менталитетот и на расположението на граѓаните на соседната земја, но, велиме уште еднаш, тоа треба да биде јасно маркирано.
Зашто, и според Кодексот на новинарите, вистината и точноста се врвни принципи на новинарството. Така вели и членот 1 од Кодексот:
Новинарот треба да објавува точни, проверени информации и нема да прикрива суштински податоци и да фалсификува документи. До колку информацијата не може да се потврди, или станува збор за претпоставка, односно шпекулација, тоа треба да се каже и да се објави. Точноста на информацијата треба да се провери колку што е тоа можно.
Се разбира, во новинарството секогаш има место за шеги и за добар хумор, но тие никако не смеат да ја заменат вистината или да бидат употребени во недостиг на креативност или заради желбата да се биде по секоја цена сензационалистички настроен.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
неточни наводи
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
лажни информации
не аплиактивно
КОМЕНТИРАЊЕ
нема коментаторски елементи
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
неквалитетни мултимедијални елементи
нема контекстуални линкови
делумно стилски уреден
неповрзан со тагови