Сензационализмот поважен од личната болка!
Објавено во Рецензии
on 12 - 04 - 2016 Автор: Силвана Жежова
[Рецензија: Сообраќајка во Скопје: Девојка прегазена од автомобил (Фото)]
Експлицитните фотографии од повредена девојка во сообраќајна несреќа во текстот што е предмет на оваа рецензија, се косат со професионалните новинарски стандарди за етичко известување. Во конкретниот случај, нарушена е приватноста на личноста што настрадала во сообраќајката.
Ваквата постапка се коси со одредбите во Прирачникот за етика во новинарството, каде е наведено дека „кога известуваат за настани кои предизвикале лични трагедии, болка и шок – новинарите, фоторепортерите и снимателите треба да покажат сочувство, дискреција и обѕир.“ Тоа, за жал, во овој случај не е испочитувано.
Линк до оригиналниот наслов: Сообраќајка во Скопје: Девојка прегазена од автомобил (Фото)
Датум и време на објавување: 08.04.2016, 19:45
Датум на рецензија: 11.04.2016
Рецензент: Силвана Жежова
НОВИНАРСКА ЕТИКА, ШТО БЕШЕ ТОА?
„Вечерва на крстосницата во близина на Железничката станица во Скопје, автомобил прегазил девојка, која како што може да се види на фотографиите, по несреќата останала да лежи на асфалтот.“
И двете фотографиите со кои е илустрирана веста не се заматени за да се сокрие идентитетот на девојката, со што е прекршен членот 7 од Кодексот на новинарите, во кој е прецизно кажано дека:
Новинарот ќе ја почитува приватноста на личноста, освен кога тоа е во спротивност со јавниот интерес.
Новинарот е должен да ги почитува личната болка и жалост.
Во овој случај, не постои јавен интерес за објавување на овие фотографии, а повредена е и приватноста на девојката. Ваквите фотографии можат да предизвикаат шок кај нејзините најблиски и дополнително да ја зголемат личната болка.
Исто така, иако текстот се повикува на изјави на очевидци, во него отсуствува официјален став од релевантната медицинска установа, како и од МВР.
„Според изјавите на очевидци, по ударот девојката не можела да се движи, а набрзо дошла и екипа на Брзата помош која ја одвела на една од скопските клиники. Засега, нема информации за тоа колку се сериозни повредите кои настанале од директниот удар.“
Според Кодексот на новинарите, „начинот на информирање во случаи на несреќи, елементарни непогоди, војни, семејни трагедии, болести, судски постапки мора да биде ослободен од сензационализми“, што не е случај со насловот и со фотографиите со кои е поткрепен текстот.
Така што, гледано во целина, на читателите им е понудена непрофесионална и неквалитетна медиумска содржина, напишана во сензационалистички манир, која заслужува негативна оценка.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
анонимни
не може да се утврди
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
не може да се утврди
не може да се утврди
Не може да се утврди
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
информира
некреативен
сензационален
несоодветен
јасен
ФОТОГРАФИЈА
има
несоодветна
информира
наведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
нема мултимедијални елементи
нема контекстуални линкови
стилски уреден
поврзан со тагови