Напис – Ексминистерот признава: Отидовме „курбан“ поради Муса Џафери

„Два дена го молевме Муса да даде оставка, но не прифати. На крај партијата и претседателот одлучија да се жртвуваме сите“. Вака рекол еден досегашен министер на ДУИ, објаснувајќи им на неколку пријатели и сопартијци за причините зошто се донесе одлука да се сменат сите досегашни министри и заменици-министри.
„Не знам дали беше монтирано или не, но по објавувањето на таа снимка беше неизбежно Џафери да поднесе оставка. Изгледа врската меѓу Али и Муса сè уште е силна, затоа претседателот одлучи да нè направи сите курбан, за вината да не остане само на Муса Џафери“, рекол овој поранешен министер, пренесува „Лајм“. Тој рекол дека со именувањето на новите министри не станува збор за никакви внатрепартиски реформи, туку целта била дефокусирање на јавноста. Поради овие промени што се случија преку ноќ, во ДУИ се појавија многу поделби.

[Рецензија:Ексминистерот признава: Отидовме „курбан“ поради Муса Џафери]

Новинарот има право да се повика на анонимни извори. На некој начин, изворите од таа категорија се поттик за понатамошно истражување и за отворање важни дебати за кои недостигаат или се кријат официјалните информации. Меѓутоа, околностите се менуваат кога анонимното сведочење за медиумот се дава не од самиот извор, туку од некој близок до изворот. Ова дава индиции дека не станува збор за извор од прва рака и од ова може да се будат сомнежи дека сведочењето може да биде измислено.

„Два дена го молевме Муса да даде оставка, но не прифати. На крај партијата и претседателот одлучија да се жртвуваме сите“. Вака рекол еден досегашен министер на ДУИ, објаснувајќи им на неколку пријатели и сопартијци за причините зошто се донесе одлука да се сменат сите досегашни министри и заменици-министри.

Изворот останува анонимен, доколу самиот тој побара од новинарот да има таков статус, меѓутоа неговата автентичност и уверливост за тоа што го кажува секогаш е потребна за новинарот за да се докаже неговата професионалност и убедливост пред јавноста. За ова е соoдветно поврзувањето со околностите.

Во Прирачникот за етика во новинарството во, член 4, параграф 5, пишува:

Исклучок од правилото за почитување на анонимноста на изворот се случаите кога новинарот доаѓа до информација за планирано кривично дело, кога е обврзан да ги информира надлежните.

Линк до оригиналниот напис: „Екс министерот признава: Отидовме „курбан“ поради Муса Џафери”

Датум и време на објавување: 07.04.2016

Датум на рецензирање: 08.04.2016

Рецензент: Адриан Керими

Анонимноста подразбира заштита за изворот, но многу е важно за редакцијата изворот да биде познат. Меѓутоа, во овој случај, во содржината не е почитувано основното правило на новинарството, што кажува дека треба да се знае потеклото на изворот. Првин, тргнувајќи од фактот дека текстот е напишан повикувајќи се на изворите на друг медиум, во овој случај, наводно, на весникот „Лајм“. Доколку, на пример, авторот на содржината во „Лајм“ направил таква грешка, која е потребата за повторување на грешката од конкретниот автор и од редакција на порталот.

„Не знам дали беше монтирано или не, но по објавувањето на таа снимка беше неизбежно Џафери да поднесе оставка. Изгледа врската меѓу Али и Муса сè уште е силна, затоа претседателот одлучи да нè направи сите курбан, за вината да не остане само на Муса Џафери“, рекол овој поранешен министер, пренесува „Лајм“.“

Во Прирачникот за етика во новинарството во, член 4, параграф 5, пишува: „Важно е новинарот, па и медиумот, за да ја одбранат нивната кредибилност, да го направат невозможното за да ја докажат информацијата и од други независни извори и да го употребат анонимниот извор само тогаш кога нема друг начин за да се дојде до информацијата од јавен интерес“.

Во член 4, параграф 3, пак, пишува: „Новинарот секогаш треба да биде критички кон изворот на информацијата и да ги докаже земените информации. Особено внимание треба да се даде кога се употребуваат анонимни извори или кога на новинарот му се нудат ексклузивни информации. Треба строго да се докажат мотивите на понудената информација.“

„Тој рекол дека со именувањето на новите министри не станува збор за никакви внатрепартиски реформи, туку целта била дефокусирање на јавноста. Поради овие промени што се случија преку ноќ, во ДУИ се појавија многу поделби.“

Вклучените страни во текстот секогаш го имаат правото за да се изјаснат, уште повеќе кога се зборува за конфликт во одредена група од интерес. Доколку за поделбите во ДУИ новинарот има факти и релевантни аргументи, тој треба тие да ги објави, а не да ги архивира, одземајќи ѝ го правото на јавноста да биде информирана.

Природата на анонимниот извор, без да се прават обиди за да се докаже автентичноста на неговите изјави преку информации или индиректни сведочења, не убедува дека имаме работа со нешто сериозно. Поради ова, новинарите се обврзани написите направени врз основа на анонимни извори да се потрудат да ги доближат со реалноста, колку што може повеќе.