СДСМ е виновен и кога ВМРО-ДПМНЕ има предност
Објавено во Рецензии
on 1 - 02 - 2016 Автор: Симона Атанасова
[Нова нерелевантна анкета на СДСМ преку нивната агенција „Фактор Aдриа“ од Србија]
Текстот е тенденциозен, уште со самиот наслов манипулира и изнесува еден куп невистини за една агенција за истражување на јавното мислење и за опозицијата. Целта е по секоја цена да се нападне СДСМ и да се убедат читателите дека и најмала позитивна информација за социјалдемократите е лажна и нерелевантна.
Линк до оригиналниот напис: Нова нерелевантна анкета на СДСМ преку нивната агенција „Фактор Aдриа“ од Србија
Датум и време на објавување: 26.01.2016, 14:08
Датум на рецензирање: 30.01.2016
Рецензент: Симона Атанасова
НАФРЛЕНИ ОБВИНУВАЊА
Во овој коментаторски напис се земени резултатите што агенцијата ги добила за рејтингот на партиите и со нив се манипулира за публиката да оформи негативен став кон опозицијата. Притоа, текстот го наведува читателот да не верува на анкети направени од оваа агенција.
Написот пласира неиздржани обвинувања дека агенцијата „Фактор Адриа“ од Србија е на СДСМ, а дека анкетата е нарачана. Згора на сè, на анкетата ѝ е залепен епитет „нерелеватна“ само затоа што покажува помала предност на ВМРО-ДПМНЕ пред СДСМ, во споредба со претходната анкета направена од истата агенција во декември минатата година.
Овие обвинувања се само нафрлени и во текстот не се нуди ниту еден доказ во прилог на искажаните тврдења.
Во текстот се вели:
„Веќе е познато и медиумите пишуваа дека „Фактор Адриа“ е блиска до агенцијата „Рускин и Хант“ која што е компромитирана ПР-агенција која во српските медиуми се оценува како продавачи на скапа магла и чии луѓе го советуваат и Зоран Заев.“
Меѓутоа, никаде не се дава аргумент дека изнесените наводи се точни. Во текстот стои фразата „веќе е познато“ за да се добие впечаток дека напишаното е вистина. Но, изостануваат цитирањата од тие медиуми што наводно го пишувале тоа. Нема ниту линкови, ниту изјави. А недостига и потврда дека агенцијата на кој било начин е поврзана со луѓе што го советуваат лидерот на СДСМ.
Текстот е целосно едностран. Нема ниту изјава од агенцијата што е обвинета дека е под капата на опозицијата, а уште помалку е побарана опозицијата да даде став во однос на обвинувањата. Вистински новинарски производ треба да се стреми да ги консултира сите засегнати страни, а доколку тие одбиле да дадат коментар, тогаш тоа треба да биде нагласено.
Но, очигледно е дека оваа медиумска содржина немала намера да ја прикаже сликата од сите агли, туку колку што е можно повеќе да ја замагли.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
делумно
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
информира
наведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
поврзан со тагови