Религијата како дел од медиумската пропаганда
Објавено во Рецензии
on 6 - 12 - 2016 Автор: Fatlume Dervishi
Напис: Еве како Али Ахмети го почитува езанот (ВИДЕО)
Лидерот на Демократската унија за интеграција денеска имаше средба со жителите на Челопек и за време на обраќањето, тој го прекинал говорот и почекал сè додека селскиот оџа не завршил со езанот и при тоа истакнал дека езанот треба да се почитува.
Во продолжение можете да го проследите ексклузивниот видеозапис.
[Рецензија: „Еве како Али Ахмети го почитува езанот (ВИДЕО)”]
Верата, односно религијата треба да биде нешто лично и кога се работи за јавни личности. Таа не смее да се употребува за производство на вести од јавен карактер, освен во случаи кога јавноста има интерес поврзан со оваа тема. Верувањето во Господ како лична особина не го дефинира присуството или, пак, немањето на вредности кај еден политичар.
Линк до оригиналниот напис: „Еве како Али Ахмети го почитува езанот (ВИДЕО)”
Датум и време на објавување: 27.11.2016
Датум на рецензирање: 28.11.2016
Рецензент: Фатлуме Дервиши
Ова е еден многу краток текст, но со тенденција да има големо влијание. Авторот нема намера да допре до читателот преку отсликување на тоа што е од јавен интерес во избирачки контекст. Не е пренесен говорот на Ахмети, нема ниту еден збор за кампањата на ДУИ на праг на изборите, ниту дел од платформата за тоа што им се ветува на граѓаните… Местото на фактите и на важните прашања е заземено од сензацијата со злоупотреба на верскиот елемент.
„Лидерот на Демократската унија за интеграција денеска имаше средба со жителите на Челопек и за време на обраќањето, тој го прекинал говорот и почекал сè додека селскиот оџа не завршил со езанот и при тоа истакнал дека езанот треба да се почитува.
Во продолжение можете да го проследите ексклузивниот видеозапис“.
Ова, секако, е еден начин на промоција, но не преку јавните вредностите и јавниот интерес. Медиумот на нечесен начин ја информира јавноста за оваа постапка на Ахмети, која, реално, нема никакво влијание врз благосостојбата на граѓаните, не допира ни до нивните интереси, а ниту до начинот на кој живеат, во смисла на стандардот.
Прирачник за етика во новинарство:
-
Новинарот ќе се придржува и на општоприфатените општествени стандарди на пристојност и на почитување на етничките, културните и на религиозните различности во Македонија.
-
Новинарот мора да биде свесен за етничките, културните, религиозните, сексуалните чувствителни теми и да ги третира во согласност со тоа.
Целта на текстот е јасна, тоа е манипулирање со верските чувства на еден голем дел од читателите, импонирајќи им позитивна слика на верник за една политичка личност.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
неофицијални, анонимни
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор, ненаведен извор
КВАЛИТЕТ НА НАСЛОВОТ
не информира
некреативен
сензационален
соодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
неквалитетни мултимедијални елементи
нема контекстуални линкови
стилски неуреден
поврзан со тагови