Релативизирање на кривично дело во борба за кликнувања
Објавено во Рецензии
on 13 - 01 - 2017 Автор: Димитар Тануров
[Рецензија: Љубовна драма во Гостивар: Тетовка грабната од поранешниот љубовник]
Во текстот е пренесена информација од полицски билтен и тоа е коректно направено. Проблемот е во насловот кој е сензационалистички и кој, според тоа како е поставен, ја намалува тежината на кривичното дело.
Линк до оригиналниот напис: Љубовна драма во Гостивар: Тетовка грабната од поранешниот љубовник
Датум и време на објавување: 09.01. 2017
Датум на рецензирање: 12. 01. 2017
Рецензент: Димитар Тануров
НАСИЛСТВО И ЉУБОВНА ДРАМА НЕ Е ИСТО
Сензационалистичките и бомбастични наслови вообичаено се сметаат за добра шанса за собирање кликнувања, но честопати знаат да ја искриват сликата, како што е случајот и со овој напис. Самото квалификување на злоделото како љубовна драма придонесува за негово обезвреднување. Станува збор за грабнување, психичко и физичко насилство, а неговата квалификација како „љубовна драма“ го релативизира насилството за кое е поднесена и кривична пријава:
„Надворешната канцеларија за кривични работи Гостивар поднесе кривична пријава против С.Д. (40) од село Жеровјане поради постоење основано сомнение за сторено кривично дело грабнување“.
Содржинскиот дел на написот е коректен, иако можел да биде новинарски разработен. Можело да се направи цела приказна со изјава на жртвата, доколку таа се согласи да зборува за настанот. Можело да се наведат статистички податоци, колку случаи на вакво насилство се регистрани во изминатите години, каква е нивата тенденција, односно дали се зголемува или се намалува нивниот број, колку од нив се процесуирани и какви мерки се преземаат за спречување на ваквите појави.
Во согласност со принципите утврдени во Кодексот на новинарите, новинарот при известувањето мора да се придржува до етичките и до моралните норми, да избегнува сензационализам кој истовремено, како во овој текст, ја намалува тежината на кривичното дело и ѝ нанесува болка на жртвата на грабнувањето.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
сеопфатнo
нема прикриени информации
ПРИСТРАСНОСТ
целосно прикажува вистина
нема извртување на вистина (спин)
нема лажни информации
не аплиактивно
КОМЕНТИРАЊЕ
нема коментаторски елементи
издвоено од фактите
ПЛАГИЈАТ
делумна копија
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
нема мултимедијални елементи
нема контекстуални линкови
делумно стилски уреден
поврзан со тагови