verifikimiifakteve.mksitemap
verifikimiifakteve.mksitemap

Сервис за проверка на факти од медиумите

Проект на УСАИД за зајакнување на медиумите во Македонија
USAID Logo

Рецензија: Заев на инструкции кај Црвенковски

on 3 - 02 - 2014       
Овој напис го има и на: АлбанскиZaev-na-instrukcii-kaj-Crvenkovski-crop-resize

Zaev-na-instrukcii-kaj-Crvenkovski-crop-resize

Заев на инструкции кај Црвенковски“ е тенденциозен  и пристрасен текст кој има  сериозни проблеми со релевантноста. Овој шпекулативен редакциски материјал  не посочува извори, нема факти и аргументација, туку врз основа на непотврдени информации наменски ја турка тезата дека лидерот на СДСМ, Зоран Заев нема капацитет и дека конците во партијата и натаму ги влече екс-лидерот, Бранко Црвенковски.

„Зоран Заев очигледно не може сам да ја води партијата на која е лидер, па побарал помош од екс-претседателот Црвенковски“

FireShot Screen Capture #187 - 'Заев на инструкции кај Црвенковски' - kurir_mk_makedonija_vesti_146417-Zaev-na-instrukcii-kaj-CrvenkovskiЛинк до оригиналниот напис: Заев на инструкции кај Црвенковски

Датум и време на објавување: 31.01.2014, 13:13

Датум на рецензирање: 1.02.2014

Рецензент:  Оливера Војновска

Вистинитост: Целиот напис виси. Тој не се потпира на факти и нема релевантни показатели за да го поткрепи тврдењето за „фингиран конфликт во СДСМ“ :

„ Црвенковски го пофалил Заев за тоа како успешно го изиграа моментот со Наташа Савова, вештачки креирајќи несогласувања на Бихаќка. Целта на оваа “кавга“ всушност била да се создаде слика пред јавноста дека на Бихаќка нешто се менува.“

Ниту, пак, нуди докази за наводите:

„Црвенковски, практично, на Заев му порачал да продолжи да ја лаже јавноста, со цел да добие глас повеќе.“

„Бранко го советувал Заев да почне повторно да пласира лажни ветувања и преку популистички мерки да ветува чуда. На крај нашле заеднички јазик, па се договориле да комбинираат методи“

„По средбата, Црвенковски јасно им дал до знаење на сите дека лично стои зад Заев и дека тој е негов пулен, во кој има максимална доверба.“

Извори на информации: Текстот нема прецизни и кредибилни извори на информации туку користи формулации „како што дознаваме“ и „наши партиски извори“.

Содржајност:  Написот  е едностран, а оградата на крајот од текстот дека „имало неуспешен обид да се стапи во контакт со Заев“, не го менува впечатокот дека овој материјал е креиран врз однапред зададени тези.

Пристрасност: Интонацијата и начинот на кој е срочено ова четиво укажуваат дека му фали политичка дистанца.

 Коментирање: Целиот напис е испреплетен со коментаторски елементи, како на пример:.

„… Заев очигледно не може сам да ја води Партијата….“

„… успешно го изиграа моментот со Наташа Савова, вештачки креирајќи несогласувања на Бихаќка.“

 „Целта на оваа “кавга“ всушност била да се создаде слика пред јавноста дека на Бихаќка нешто се менува“

 „…во СДСМ ништо не е сменето и нема да се промени“

Оригиналност/Плагијат: Материјалот што го рецензираме е без авторски потпис, па веројатно е редакциски. Сепак, неговата оригиналност е дискутабилна со оглед на фактот дека истиот ден вакви написи објавија повеќе медиуми, при што некои се повикаа на овој напис, а некои ја користеа истата формулација: „партиски извори“.

Квалитет на насловот: Насловот со својата тенденциозност наведува на заклучок дека Заев ги спроведува политиките и наредбите на Црвенковски. Во комбинација со поднасловот сугерира дека тој нема лидерски способности:

„Зоран Заев очигледно не може сам да ја води партијата на која е лидер, па побарал помош од екс-претседателот Црвенковски“

 Фотографија: Текстот е илустриран со стара фотографија на која во преден план е Црвенковски, а во заднината се Заев и Андреј Петров. Таа  треба да го долови впечатокот дека  Заев е во сенка на Црвенковски.

Говор на омраза: Написот нема говор на омраза, но има навредлив тон:

„Црвенковски, практично, на Заев му порачал да продолжи да ја лаже јавноста, со цел да добие глас повеќе.

„Бранко го советувал Заев да почне повторно да пласира лажни ветувања… “

„… Црвенковски јасно им дал до знаење на сите дека лично стои зад Заев и дека тој е негов пулен….“

Заклучок: На читателската публика и е понуден фабрикуван производ во кој се прекршени повеќе одредби од Кодексот на новинари и од Прирачникот за етика во новинарството. Почнувајќи од насловот, поднасловот, главата на веста, па се до завршниот дел  јасно се препознава намерата да се оцрни личноста на Заев. Објавувањето, пак, на речиси идентичен материјал истовремено во повеќе електронски и печатени медиуми, како и  други текстови на слична тема во истите медиуми еден ден претходно, говори за своевиден синхронизиран атак во функција на политичка дискредитација на лидерот на најголемата опозициска партија.


Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).

ИНФОГРАФИК

infoVistinitostВИСТИНИТОСТ

нема факти

не може да се утврди веродостојноста на наводите

infoVistinitostИЗВОРИ НА ИНФОРМАЦИИ

нема евидентирани извори

infoVistinitostСЕОПФАТНОСТ

несеопфатнo

можеби се прикриени информации

infoVistinitostПРИСТРАСНОСТ

не може да се утврди

извртување на вистина (спин)

не може да се утврди

наклонетост

политичка пристрасност

infoVistinitostКОМЕНТИРАЊЕ

има коментаторски елементи

интегрирано со фактите

infoVistinitostПЛАГИЈАТ

не може да се одреди

ненаведен автор

infoVistinitostКВАЛИТЕТ НА НАСЛОВОТ

дезинформира

креативен

сензационален

соодветен

тенденциозен

infoVistinitostФОТОГРАФИЈА

има

соодветна

манипулира

ненаведен автор(извор)

infoVistinitostГОВОР НА ОМРАЗА

навредлив говор

нема говор на омраза

не потикнува на насилство

не дискриминира

infoVistinitostУРЕДЕН ЗА ВЕБ

средно читлив

солидни мултимедијални елементи

нема контекстуални линкови

делумно стилски уреден

неповрзан со тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Претплатете се за најнови вести