Рецензија: ВИДЕО: Обид за убиство во Куманово пред камерата на Сител
Објавено во Рецензии
on 5 - 11 - 2014 Автор: Владо Ѓорчев
Ова е текст кој манипулира уште од насловот. За работата да биде уште пострашна, подолу во текстот е објаснето од каде е снимката, но насловот е тој што ја прави целата забуна. Инаку, се работи за извештај од билтен од МВР, а за овој настан подоцна, како што тврди медиумот, добиле и снимка и тоа од куќата која е во близина каде што се случило дејството. Но, тоа во ниту еден случај не е камерата на телевизијата, како што се тврди во написот.
Линк: ВИДЕО: Обид за убиство во Куманово пред камерата на Сител
Датум и време на објавување: 30.10.2014, 21:41
Датум на рецензирање: 03.10.2014
Рецензент: Владо Ѓорчев
ОД КАДЕ Е СНИМКАТА?
Во насловот се тврди дека се работи за обид за убиство кое се случило пред камерите на телевизијата. Сепак, текстот подоцна објаснува дека снимката дошла до нивниот медиум и тоа од куќа во близина на настанот:
„Денеска до Сител беше доставено видео кое што е снимено од камера поставена на куќа веднаш до местото на настанот, без дополнителен кометар во врска со тоа како се случил настанот.“
Притоа, не може со сигурност да се каже дали навистина оваа снимка дошла директно кај телевизијата, зошто во следниот пасус е наведено дека:
„Истата снимка е доставена и до полицијата и до Основно јавно обвинителство во Куманово, пишува Сител.“
Можеби се работи за снимка која ја набавило Министерството за внатрешни работи, која подоцна дошла и до телевизијата. Инаку, не може со сигурност да се утврди кој е изворот.
Ова е текст кој во поголем дел е коректен, односно се работи за билтен од МВР. Тоа што не е во ред со стандардите е насловот, кој е манипулација. Во новинарски производ, насловот мора точно да ја преслика ситуацијата, а не да манипулира со гледачите или со читателите.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
можеби се прикриени информации
ПРИСТРАСНОСТ
не може да се утврди
не може да се утврди
не може да се утврди
не аплиактивно
КОМЕНТИРАЊЕ
нема коментаторски елементи
ПЛАГИЈАТ
оригинално дело
ненаведен автор, наведен извор без линк
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
неквалитетни мултимедијални елементи
нема контекстуални линкови
делумно стилски уреден
неповрзан со тагови