Школски пример за тенденциозен наслов
Објавено во Рецензии
on 4 - 08 - 2015 Автор: Оливера Војновска
[Рецензија: Ваква слика СДСМ нема 20 години! Нова инвестиција-во Охрид…]
Главниот проблем со овој текст, кој бележи уште едно инвестициско остварување на Владата, е насловот. Првиот дел од насловната конструкција: „Ваква слика СДСМ нема 20 години!“, е тенденциозен и нема врска со написот. Изгледа како да е „налепен“ на текстот со намера по секоја цена да ја нападне опозицијата.
Линк до оригиналниот напис: Ваква слика СДСМ нема 20 години! Нова инвестиција-во Охрид…
Датум и време на објавување: 30.07.2015
Датум на рецензирање: 01.08.2015
Рецензент: Оливера Војновска
„МАТЕМАТИЧКА ГРЕШКА“
Направен е таков избор на наслов кој во исто време ја фали власта, која носи нови инвестиции во државата, и ја критикува најголемата опозициска партија, иако, таа вооопшто не се споменува во написот. Намерно се прави и наменска „математичка грешка“, па се изброени 20 години владење на СДСМ. Со што преку насловот е пласирана невистинита информација.
Фактите говорат нешто друго. На кормилото на македонскиот „брод“, ВМРО-ДПМНЕ е речиси 14 години. Односно, десницата е на власт 70 проценти од периодот во изминативте 24 години – почнувајќи од првата Влада предводена од Никола Кљусев (20 март 1991 година – 17 август 1992), потоа Владата на Љупчо Георгиевски (30 ноември 1998 – 1 ноември 2002 година) и од 28 август 2006 година наваму на чело на Владата е лидерот на ВМРО-ДПМНЕ, Никола Груевски. Овие податоци се добро познати. Но, несомнено, непотпишаниот автор на текстот намерно ги занемарува, за да може да направи спинерска конструкција дека СДСМ за 20 години нема инвестициски дострел како ВМРО-ДПМНЕ!
ПРЕДИЗБОРНИ ИНВЕСТИЦИИ
Самата информација, пак, е неквалитетно сработена, со значителна политичко-пропагандна доза. Станува збор за извештај од потпишувањето договор меѓу македонската Влада и германската компанија „ОДВ Електрик“ за изградба на фабрика за автомобилски делови во охридско-струшката индустриска зона, кој е поставен наопаку и на кој му е даден фалбаџиски тон. При тоа, акцентот е ставен на тоа дека преку оваа странска инвестиција ќе се овозможат 150 нови вработувања до крајот на годината, а етапно ќе се вработат вкупно 1.000 македонски граѓани.
Совпаѓањето со изборите е чиста коинциденција! Онака случајно, се нагласува и ангажираноста на премиерот за почетокот на германската инвестиција.
„Челниците на ОДВ Електрик разгледувале повеќе опции за свјата нова инвестиција. Меѓу сите нив ја избрале Македонија, бидејќи како што посочуваат, претставниците на македонската влада точно знаат што очекуваат инвеститорите и што им е потребно.“
А, читателите дури на крајот од текстот разбираат за која компанија се работи, како и тоа дека изградбата на фабриката ќе почне за две недели и дека треба да заврши до средината на 2016 година.
Па, пишуван во таков стил, извештајот од официјалиот настан, наместо на „нозете“ стои на „главата“!
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
делумно
ИЗВОРИ НА ИНФОРМАЦИИ
има евидентирани извори
официјални
повеќе извори
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
дезинформира
некреативен
несензационален
несоодветен
тенденциозен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови