Текст по принцип „кој поверува – поверува“
Објавено во Рецензии
on 25 - 06 - 2015 Автор: Владо Ѓорчев
[Рецензија: СДСМ повторно се премисли, сега за нив важи договорот од 2-ри јуни]
Уште една невистина е изнесена во овој текст, иако тезата можела многу лесно да се провери. Сепак, тоа не е сторено и е оставено на тоа „кој поверува – поверува“. Многупати досега и СДСМ и претседателот на партијата, Зоран Заев, соопштиле која е целата вистина, но во написот не се нашло за потребно да се пренесат мислењата и текстот да биде барем објективен, за разлика од овој кој е несодржаен, невистинит, необјективен, без новинарски стандарди направен производ, кој сака да биде третиран како новинарски.
Линкуван наслов на анализираниот напис: СДСМ повторно се премисли, сега за нив важи договорот од 2-ри јуни
Датум и време на објавување: 20.06.2015, 14:26
Датум на рецензирање: 22.06.2015
Рецензент: Владо Ѓорчев
„СДСМ по првичните преговори се огради од договорот и челниците на партијата го нападнаа Јоханес Хан. Потоа одлучија да поставуваат ултиматуми, да даваат рокови и да избегнуваат каков било коментар за она што беше договорено на 2 јуни.“
Иако безброј пати Заев дал изјава за тоа дека не се прифаќа никаков договор без оставка на премиерот Никола Груевски, текстот повторно си вергла своја стара приказна. Така и овој пасус. Уште со почетокот на објавувањето на таканаречените „бомби“, Заев јавно рече дека прв и главен услов за решение на политичката криза е Груевски да си замине. Затоа, нејасно е зошто текстот, како и други провладини медиуми, ја туркаат оваа теза кога јасно е како бел ден што рекол претседателот на СДСМ.
Тој и вчера, во последното интервју дадено за „Револуционер“, изјави дека договорот од 2 јуни нема да важи ако Груевски не си даде оставка.
„Очекувам, во интерес на граѓаните и на обезбедувањето услови за фер и демократски избори, на 29 јуни да продолжиме каде што застанавме во Брисел. Тоа значи, тргнувајки од разумните аргументи, да се согласиме дека Никола Груевски мора да се повлече најмалку шест месеци пред изборите. Во спротивно, сè друго паѓа во вода и ние ќе продолжиме со засилено вонинституционално дејствување сè до реализацијата на конечната цел, враќањето на слободата и демократијата во Македонија.“
Поради тоа не држи вода тезата дека „опозициската партија на чело со струмичкиот градоначалник не држи до своите ставови. СДСМ постојано се предомислува и дејствува конфузно.“
Тој уште од почетокот го има истиот став, кој е непроменет.
Понатаму текстот е коректен. Точно е пренесено соопштението од Европската комисија која ја поздрави последната лидерска средба.
Текстот има само една цел. Да се омаловажи претседателот на СДСМ, но тоа се прави на неумесен начин. Не е првпат да се пишуваат вакви текстови. Исто така, не е првпат да се прави и рецензија за нив. Работа на новинарот не е да измислува и да се занимава со невистина. Токму напротив, новинарот мора да е објективен и главната задача да му биде вистината. Другото е јасно. На читателот му останува да верува или не на вакви текстови кои гo потценуваат.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
неточни наводи
неверодостојни наводи
ИЗВОРИ НА ИНФОРМАЦИИ
има евидентирани извори
неофицијални
нерелевантни
не може да се утврди
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор, ненаведен извор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
квалитетни мултимедијални елементи
нема контекстуални линкови
делумно стилски уреден
неповрзан со тагови