Партискиот пред јавниот интерес
Објавено во Рецензии
on 25 - 06 - 2015 Автор: Зоран Бојаровски
[Рецензија: Брисел бара да запрат вработувањата во државните служби]
Како тоа од долгата серија препораки од извештајот на Рајнхард Прибе, авторот на медиумската содржина што ја рецензираме, ја избрал токму темата за вработувања во државната администрација. Не дека не е битно или дека е помалку битно, но начинот на кој е обработена оваа тема од долгата листа препораки во извештајот на експертската група на ЕК, отвора сериозни прашања за етичкиот пристап. Поради селективноста и поради наведените површни елаборации на темата во која доминира сеењето страв дека ќе пропаднат најавените вработувања и надежите на оние кои ги очекуваа.
Линк до оригиналниот напис: Брисел бара да запрат вработувањата во државните служби
Датум и време на објавување: 19.06.2015, 10:03
Датум на рецензирање: 22.06.2015
Рецензент: Зоран Бојаровски
Такквиот тон на популистичко новинарство кое си поигрува со стравовите на читателите засегнати од оваа тема, воопшто не одговара на автентичните препораки кои се многу прецизни и кои повикуваат на длабоки и системски решенија за трајно решение на феноменот вработување во јавната администрација од лукративно-политички причини. Може да се тврди дека надежите и очекувањата на еден дел од граѓаните во Македонија ќе бидат изневерени од овие мерки, но тие надежи и очекувања ги создаде некој друг, а не Брисел. Ги создаде актуелната политичка гарнитура, која со години наназад вработувањето го користи како инструмент за манипулација и за добивање гласови.
Таквиот пристап на авторката на текстот се соочува и се конфронтира со петтиот член од Кодексот на новинарите, кој вели:
Новинарот ќе ги почитува законите во државата, но нема да објави или сокрие ништо што е во спротивност со јавниот интерес.
Не е премногу да тврдиме дека во случајот на партиски обоените вработувања, јавниот е заменет со партиски интерес, а тоа новинарите треба да го препознаат.
Уште еден член веќе традиционално се крши во последните години кај нас – членот 14, кој нагласува дека:
Известувањето од политичките процеси, посебно од изборите треба да биде непристрасно и избалансирано. Новинарот мора да обезбеди професионална дистанца од политичките субјекти.
За жал, и во овој случај не е направено ништо за да се обезбеди непристрасната и избалансирана позиција кога се известува за политички процеси.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
официјални
релевантни
1 извор
СЕОПФАТНОСТ
несеопфатнo
Селективни
ПРИСТРАСНОСТ
делумно прикажува вистина
не може да се утврди
нема лажни информации
наклонетост
политичка пристрасност
КОМЕНТИРАЊЕ
нема коментаторски елементи
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
информира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
неквалитетни мултимедијални елементи
нема контекстуални линкови
делумно стилски уреден
неповрзан со тагови