Рецензија: Путин донесе сонце во Белград
Објавено во Рецензии
on 21 - 10 - 2014 Автор: Владо ЃорчевВеста за посетата на рускиот претседател Владимир Путин на Србија и за присуството на воената парада, предизвика големо внимание и во Македонија. На моменти, пренесувањето на вестите од Србија беше комично. Како и оваа вест што денеска ја рецензираме.
Линк до оригиналниот напис: Путин донесе сонце во Белград
Датум и време на објавување: 16.10.2014, 13:54
Датум на рецензирање: 20.10.2014
Рецензент: Владо Ѓорчев
КОГА КОЗЕРИЈАТА ЌЕ СТАНЕ ВЕСТ
Од насловот, па сè до крајот на текстот, оваа вест нема никаква врска со вистината. Веднаш се забележува дека најверојанто се работи за козерија, но таа е пренесена во рубрика „Актуелно“, а медиумот каде што е објавена веста не важи за портал кој објавува шега-вести или измислени вести. Оваа вест е пренесена од српски медиум, па можеби останува веројатноста дека текстот бил напишан на шега или се сакало да се исмее големата „загриженост“ за посетата на Путин во Србија. Сепак, ако било така, тоа требало да се запази во преводот или во преносот на веста, затоа што вака напишана вест, со ваков експлицитно шеговит наслов, може да значи само шега.
Дека веста е шега или козерија, а тоа не било забележано при пренесувањето, можат да потврдат и бројните извештаи, фотографии, видеозаписи, на кои се гледа дека за време на воената парада во Белград врне пороен дожд.
Во текстот се вели:
„Дали ова неочекувано разведрување е случајност, поврзано со виша сила или, пак, со напредна воена технологија за разбивање облаци, не се знае, но во воената парада ќе може да се ужива без чадори“, наведува „Телеграф.рс“.
Ако написот претендирал да биде сериозен, пак, никако не би можело да се најде овој пасус. Текстот од временска прогноза преминува во конспирација и во заговор, па дури се споменува и виша сила. Значи, мешаница од нешта кои би можеле да кажат зошто Путин донесе сонце во Белград? И да не е вистина, да не го гледаме овој текст сѐ уште на интернет, би можело да се помисли дека се работи за голем виц кој е актуелен во изминативе неколку дена.
Секако дека оваа вест во српските медиуми е шега. Путин предизвика огромни реакции во Србија, па нормално се направија и еден куп текстови и видеозаписи со забавна содржина на сметка на рускиот претседател. Сепак, тоа требало да се препознае и барем да се назначи дека текстот е козерија.
(Напомена: видео клип на српски јазик)
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
неточни наводи
неверодостојни наводи
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
извртување на вистина (спин)
лажни информации
Не може да се утврди
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
делумна копија
ненаведен автор, наведен извор без линк
КВАЛИТЕТ НА НАСЛОВОТ
дезинформира
некреативен
несензационален
несоодветен
тенденциозен
ФОТОГРАФИЈА
има
несоодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
квалитетни мултимедијални елементи
нема контекстуални линкови
стилски уреден
неповрзан со тагови