Рецензија: : ФОТО: Стајлингот на оваа мајка ги собра сите погледи во скопската Зоолошка
Објавено во Рецензии
on 22 - 10 - 2014 Автор: Оливера Војновска
Фото-веста што ја рецензираме морализира и грубо се исмејува со една млада жена, затоа што се „дрзнала“ да ги прошета своите деца во скопската Зоолошка градина без соодветен дрес-код!
Линк до оригиналниот напис: ФОТО: Стајлингот на оваа мајка ги собра сите погледи во скопската Зоолошка
Датум и време на објавување: 18.10.2014, 13:46
Датум на рецензирање: 20.10.2014
Рецензент: Оливера Војновска
СОСЕМА НЕПОТРЕБНА ВЕСТ
Беспредметно е да се анализира вистинитоста, изворите на информации и содржајноста на овој материјал, за кој е нејасно зошто заслужува да биде објавен како вест?
Основната функција на веста е да информира. Во оваа новинарска лекција на „Сервис за проверка на факти од медиумите“ (СПФМ) е наведено дека за да може информацијата да се „квалификува“ да стане вест таа треба:
„да содржи новост, да има влијание врз луѓето (импакт што може да се одбрани и да се измери – колку повеќе луѓе се засегнати од веста, толку таа повеќе вреди), да се однесува на настан или на состојба која е што поблиску до нас (блискост), да се однесува на познати луѓе (проминенција), да се однесува на некоја конфликтна ситуација и да биде атрактивна, а тоа значи необична и несекојдневна. Вестите коишто во висок степен задоволуваат еден или повеќе од овие критериуми, стануваат вести на денот, вести за насловните страници и за најавите на телевизиите.“
Така што, во конкретниот случај, прашањето е кого воопшто го интересира како се облекла оваа девојка – непозната за пошироката јавност, а на која ѝ се нарушува приватноста?
ПОЛОВИ СТЕРЕОТИПИ
Истата вест можеше да се прочита во повеќе медиуми, најверојатно преземена од веб-страница со забавен карактер. Фактички, објавени и искоментирани се фотографии од анонимна личност, сликана од грб, која најверјатно и не знае дека е фотографирана.
Трите реченици од кои се состои оваа куса вест имаат навредлив тон, при што паѓа в очи дискриминирачкиот пристап врз основа на полови стереотипи. Омаловажувачкиот говор се забележува уште во насловот каде е видлива намерата да се дискредитира девојката само затоа што некој сметал дека е лошо облечена.
Вакиот пристап се коси со принципите на етички исправното новинарство, кое подразбира дека новинарот не смее да навредува или исмејува и да потикнува диксриминација врз каква било основа.
Иако написот е пласиран во рубриката „Магазин“, каде се објавуваат полефтерни содржини, сепак, тоа никако не значи дека може да се помине границата на добриот вкус и во еден типичен малограѓански манир, најбезобѕирно да се навредува и да се изложува на потсмев личноста која е фотографирана.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
ирелевантно
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
можеби се прикриени информации
ПРИСТРАСНОСТ
не може да се утврди
не може да се утврди
не може да се утврди
Не може да се утврди
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
целосна копија
ненаведен автор, ненаведен извор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
дискриминира
полова дискриминација
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови