Рецензија: Пустец со 3.200 гласачи виновен за поразот на опозицијата со 200.000 гласа разлика
Објавено во Рецензии
on 15 - 03 - 2015 Автор: Владо Ѓорчев
Ова е текст кој е целосно извртен. Се спинува огромниот криминал со изборите за да се минимизира со теза која воопшто не е битна. Во целата процедура со замајување, се употребуваат и математички и географски информации кои само го одвлекуваат вниманието од главната вест.
Линк до оригиналниот напис: Пустец со 3.200 гласачи виновен за поразот на опозицијата со 200.000 гласа разлика
Датум и време на објавување: 06.03.2015, 22:11
Датум на рецензирање: 12.03.2015
Рецензент: Владо Ѓорчев
ДЕФОКУСИРАЊЕ
Текстот упорно се труди да дефокусира и да ја измести главната теза. Таков пристап е присутен од почетокот до крајот. Таква е, на пример, изјавата на потпретседателот на СДСМ, Дамјан Манчевски, кој учествувал во прочистување на изборниот список.
„Ние настојуваме на нашите заложби за фер и демократски избори кои ќе се одвиваат според правилата и препораките на ОБСЕ и ОДИХР. Можеме да заклучиме дека Избирачкиот список е прочистен, рече тогаш Дамјан Манчевски, претставник на СДСМ.“
Оваа изјава воопшто не докажува дека немало криминални избори. Разговорите што ги објавува лидерот на СДСМ, Зоран Заев, се потврда за тоа што се случувало. Избирачкиот список е само дел од проблемот. Од тоа што досега се слушна во јавноста, а кое текстот упорно го крие, се местенки со избирачи од Пустец, барање нови лични карти, манипулации со пензионерите, социјалците, децата без родители. Сето ова текстот го премолчува.
Вистинитоста, пак, е многу проблематична во овој напис. Сè што се наведува во него е чиста шпекулација. Текстот прибира читатели поради сензационалистичкиот пристап, но кога внимателно ќе се прочита, се гледа дека содржината е релативно празна, повеќе жолта, неинформативна и неточна.
Инаку, тоа што, исто така, е пропуштено, а е важно е дека според Кривичниот закон, член 158 став 1 предвидува:
„Тој што со употреба на сила, сериозна закана или на друг начин оневозможува или спречува одржување избори или гласање или го оневозможува или спречува утврдувањето или објавувањето на резултатите од гласањето, ќе се казни со затвор од најмалку 3 години.„
Членот 165, пак, вели:
„Член на изборен орган или друго службено лице во вршењето на службата во врска со изборите или гласањето што при изборите или гласањето, ќе го измени бројот на дадените гласови со додавање или одземање на едно или повсќе гласачки ливчиња или ќе го измени бројот на гласовите при пребројувањето или при објавувањето на резултатиге од изборите или гласањето со додавање или одземање на еден или повеќе гласови, ќе се казни со затвор од најмалку пет години.“
Ова е уште еден текст кој од петни жили се труди да ги минимизира „бомбите“ на опозицијата. Тоа се прави неумесно, па дури и повеќе штета се прави на владејачката партија отколку што има некаква корист. Од дрга страна, ова е неупотребливо четиво во смисла на информации затоа што тие се невистинити. Како и да е, освен што написот нема врска со новинарство, тој не се ни труди да биде тоа.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
неточни наводи
неверодостојни наводи
ИЗВОРИ НА ИНФОРМАЦИИ
има евидентирани извори
неофицијални
нерелевантни
не може да се утврди
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
извртување на вистина (спин)
лажни информации
не аплиактивно
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор, ненаведен извор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
несоодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
неквалитетни мултимедијални елементи
нема контекстуални линкови
делумно стилски уреден
неповрзан со тагови