Овој напис покажува што е класично креирање
Објавено во Рецензии
on 13 - 03 - 2015 Автор: Љубомир Костовски[Рецензија на написот „Нов скандал: Заев, Рилковски и Дума на тајна средба“]
Во рамките на актуелната и отворена пропагандна војна меѓу големите партии, која во најголем дел од медиумите наликува на „општа практика“, дури и нешто како утринска гимнастика или рутина, се издвојува и овој прилог каде се тврди дека опозиционерското водство имало тајна средба со членовите на ДИК. Не се кажува целата листа на учесници, местото на таа тајна средба, нејзиното траење. Иако во наднасловот се става она „фото“, што треба да значи дека пред себе имаме фотовест, текстот полека се претвора во коментар кој го надминува поводот на посетата на фоторепортерот на таинствената кафеана.
Инаку, се покажа веднаш потоа, дека поводот за написот е комплетно измислен, а фотографијата е стара!
Линкуван наслов на анализираниот напис: Нов скандал: Заев, Рилковски и Дума на тајна средба
Датум и време на објавување: 03-03-2015, 13:19
Датум на рецензирање: 09.03. 2015 13:55
Рецензент: Љубомир Костовски
„Нов скандал, тајна средба меѓу лидерот на СДСМ Зоран Заев, претседателот на ДИК Никола Рилковски и членот на ДИК Виолета Дума. Вчера вечерта тие на периферијата на Скопје одржаа средба во кафеана. По ваквата средба, паѓаат во вода изјавите на СДСМ дека декларативно се залагаат за департизација. Тие го покажуваат токму спротивното со ваквите средби, дека директно се партизираат и дека лидерот на СДСМ е тој што им дава насоки и инструкции.“
Текстот е објавен на денот кога требаше да се одржи седница на ДИК по повод елементите од објавените телефонски разговори (т.н. „бомби“ на Заев), кои се однесуваат на груби кршења на законот на дел од изборите во земјава. Состанокот е потоа одложен, заради фактот дека на 10 март вечерта беа обелоденети нови детали битни за согледување на неодржливоста на изборните резултати во Македонија и постоењето, де факто, на нелегитимна власт. Дури, се оди во шпекулација дека „по синоќешнта средба, претседателот на ДИК, Рилковски ја откажа најавената седница на ДИК за денес, најверојатно играјќи по музиката која му ја свири Заев. Коментарите на социјалните мрежи каде кружат фотографии од оваа средба говорат дека токму ова е врвот на лицемерието на Зоран Заев“.
На социјалните мрежи навистина имаше многу реакции, ама во обратна насока, дека се работи за класично подметнување – стара снимка се појавува со „освежен датум“. За ова, впрочем, поопширно е напишано овде. Во написот лагата се потврдува, а средбата се случила во година кога и немало избори и кога не можел да се прави притисок за ништо. Впрочем, присутните Дума и Рилковски се членови на СДСМ и нема ништо лошо во тоа што лани седнале некаде и тоа на лаф-муабет.
Ваква лажна „монтировка“ (ова се вика класично креирање, постапка која власта инаку ѝ ја припишува на опозицијата), потоа се користи за претворање на наводната фотовест во подол коментар за тоа дека СДСМ „зборува едно, а прави нешто друго“, што потоа е само отворање на некаков капиџик кон цела лепеза теми – се преминува на тезата дека СДСМ делел расипано месо на изборите (што нема врска со насловот и со темата), па се споменува локумот и кафето како „рушвет“ и што уште не, до тоа како СДСМ ослободувал од затвор насилници и се оди наназад дури до 2005 година… Ова е само уште еден доказ до каде паѓа диригираното новинарство.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
неточни наводи
неверодостојни наводи
ИЗВОРИ НА ИНФОРМАЦИИ
изворите се стари, тие се апдејтувани
анонимни
нерелевантни
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
лажна вест
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
манипулира
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
неквалитетни мултимедијални елементи
нема контекстуални линкови
делумно стилски уреден
неповрзан со тагови