Тенденциозно заглавие кое не кореспондира со понудената содржина
Објавено во Рецензии
on 22 - 04 - 2015 Автор: Владимир Мирчески
[Рецензија: Пукање во Студеничани: Лица во маскирни униформи напаѓаат во околината на Скопје]
Станува збор за обид од класичен полициски билтен да се направи сензационално четиво кое може, а можеби и се сакало, да предизвика вознемиреност, па дури и паника кај дел од јавноста. Главниот проблем е во насловот, кој е сè само не соодветен. Пример за тенденциозно заглавие кое не кореспондира со понудената содржина.
Линк до оригиналниот напис: Пукање во Студеничани: Лица во маскирни униформи напаѓаат во околината на Скопје
Датум и време на објавување: 17.04.2015, 07:12
Датум на рецензирање: 20.04.2015
Рецензент: Владимир Мирчески
СЕНЗАЦИОНАЛИЗАМ ШТО ТРЕБА ДА ПРОДАДЕ РАЗБОЈНИШТВО ОД ПОЛИЦИСКИ БИЛТЕН
Сензационализам: (Особено во новинарството) е презентација на приказната, настанот на начин кој има цел да испровоцира интерес на јавноста или возбуда за сметка на прецизноста: медиски сензационализам.
Токму тоа го имаме во конкретниот случај – да се предизвика засилен интерес на публиката, но за сметка на точноста. Да, вистина е дека имало настан во близина на Скопје во кој неколкумина маскирани застанале и ограбиле група мигранти од Сирија. Значи, станува збор за класично разбојништво, а не за, како што се сугерира во насловот, можно бунтовничко или терористичко дело. Конкретно, некој сакал да заработи на маката на и онака премногу изнамачените мигранти од Блискиот Исток, кои транзитираат низ земјава, и да им ги „дособере“ малкуте средства што им останале на патот до западните земји. Меѓутоа, работите тргнале на лошо за напаѓачите, бидејќи жртвите реагирале и успеале да се одбранат. Значи, содржински гледано, материјалот нема проблем. Главната мана е насловната конструкција, која повеќе се одликува со сензационализам отколку со вистинитост, информативност и со прецизност. Поедноставено, употребен е наслов кој нема врска со текстот. Во новинарската теорија насловот извршува неколку функции: да информира, накусо да ја раскаже поентата на содржината, да ги привлече читателите и да ги внесе во своевидна „авантура“ на читање и на размислување. Но, во овој случај изгледа дека се сакало премногу да се внесе публиката во „авантура“ и од обично разбојништво, настанот се престорил во „напади во околината на Скопје“. Точно е дека насловната конструкција понекогаш треба да се „нашминка“ за полесно да го продаде текстот, но тоа никако не смее да биде по цена на вистинитоста.
За волја на вистината, овој материјал е чисто „копи-пејст“, поточно „крадење“ на вест со веќе „катастрофално лош наслов“, но тоа во никој случај не ја намалува вината на тој што решил едноставно да ја преслика информацијата со крајно тенденцизна и несоодветна насловна конструкција. Еве како тоа, во согласност со воспоставените стандарди, го решиле дел од медиумите:
„Разбојници нападнале Сиријци во скопско Студеничани па биле совладани“
Насловот, колку што може да го подобри, толку може и да го влоши вкупниот впечаток за еден напис, нешто што се има случено токму со овој текст.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
официјални
релевантни
не може да се утврди
СЕОПФАТНОСТ
нема прикриени информации
ПРИСТРАСНОСТ
целосно прикажува вистина
има, преку неточниот наслов
нема лажни информации
балансираност
КОМЕНТИРАЊЕ
нема коментаторски елементи
ПЛАГИЈАТ
целосна копија
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
неквалитетни мултимедијални елементи
нема контекстуални линкови
делумно стилски уреден
неповрзан со тагови