Новинарска мимикрија за пристрасност
Објавено во Рецензии
on 22 - 04 - 2015 Автор: Зоран Бојаровски
[Рецензија: Одлична вест: Владата ќе им овозможи право на пензија на оние на кои има фали стаж]
Уште во насловот на оваа вест е нарушен членот 13 од Кодексот на новинарите кој нагласува:
Новинарот треба да прави разлика меѓу фактите и мислењата, меѓу веста и коментарот.
Значи, мора да биде јасно дека „одлична вест“ во насловот е коментар. Може да има исклучок ако е тоа мислење на некој овластен или експерт кому публиката му верува. Но, тогаш, бездруго, дури и ако е во насловницата на медиумската содржина, мора да биде атрибуирано, односно на мислењето да му се придодаде авторот.
Новинарот и медиумот треба да бидат објективни и да заземаат неутрална позиција. Кој било друг став определува пристрасност. Било кон една или кон друга страна.
Линк до оригиналниот напис: Одлична вест: Владата ќе им овозможи право на пензија на оние на кои има фали стаж
Датум и време на објавување: 15.04.2015, 09:14
Датум на рецензирање: 20.04.2015
Рецензент: Зоран Бојаровски
Уште повеќе што се работи за најава на законска промена која треба да ги обезбеди најавените можности. За да се реализира една законска определба, таа мора да помине низ процедура која не мора да биде секогаш извесна. Дури и во услови кога оние што ја предлагаат и ја спроведуваат таа законска промена, формално, ги имаат сите механизми да го реализираат тоа.
Но, токму во последно време сме сведоци дека набрзина донесените законски измени наидуваат на реакции во јавноста. Некои од нив дури и беа повлечени или изменети поради тој притисок.
Заради тоа уште еднаш нагласуваме дека објективниот пристап и неутралната позиција се најдоброто место од кое новинарите известуваат и ги следат настаните. Така препорачува и членот 14 од Кодексот новинарски:
Известувањето од политичките процеси, посебно од изборите треба да биде непристрасно и избалансирано. Новинарот мора да обезбеди професионална дистанца од политичките субјекти.
Едноставни се препораките и работата на новинарите доколку се определени професионално и етички да известуваат. Ако направиле друг избор, тоа секако веднаш ќе се види, а публиката ќе го препознае.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
нема извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
информира
некреативен
сензационален
соодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови