Рецензија: Професорка касапеше ученици, а нивните соученици уживаа во глетката
Објавено во Рецензии
on 20 - 01 - 2014 Автор: Александар ПисаревВо само што објавената новинарска лекција за фотографијата во медиумите, објаснивме дека новинска фотографијата може да предизвика силни емоции кај читателите. Сега рецензираме еден таков текст чија целосна содржина е, всушност, во фотографијата и видеото. Дали сме во право кога велиме дека вознемирува и предизвикува силни, па дури и страв и наеженост, погледнете сами.
Што е најлошо, може да предизвика некого и сам да се обиде во ваков експеримент и да настрада, тој – или некој негов близок.
Линк до оригиналниот напис: Професорка касапеше ученици, а нивните соученици уживаа во глетката
Датум и време на објавување: 14.01.2014, 19:15
Датум на рецензирање: 18.01.2014
Рецензент: Александар Писарев
Вистинитост: Којзнае дали ова е вистина или не? Нема извор од каде веста и видеото се преземени. Рускиот текст, кој се гледа над видеото, нѐ наведе малку да просурфаме на интернет. Успеавме да го пронајдеме на неколку руски сајтови и на Јутјуб. Се работи за експеримент изведен во едно училиште, во кој настапува хемиска реакција помеѓу алкохол и јод. Медиумот можел да нѐ упати на овие сајтови од каде што ја презел информацијата.
Извори на информации: Нема извор на информации што е сериозен пропуст на медиумот кога се работи за вакви содржини кои експлицитно пренесуваат вознемирувачки фотографии и снимки.
Содржајност: Информацијата нема никаква содржајност, едноставно се пренесени фотографиите и видеото. Авторот целата содржина можел да ја претстави и на друг начин, објаснувајќи на почетокот како пластично може на учениците да им се објасни полезност од хемиските експерименти и хемиски реакции и нивната примена во филмската индустрија.
Квалитет на насловот: Крајно вознемирувачки и сензационален, вокабуларот кој е употребен во насловот не доликува за медиум.
Фотографија: Фотографијата и е, всушност, највознемирувачка. Гледачот не може да претпостави што следува после мигот кога наставничката со големиот нож се приближува кон вените на ученикот. Со оглед на тоа што се работи за портал, уредничкиот тим можел да преземе низа мерки да ги заштити и да ги предупреди посетителите од вознемирувачки содржини.
Заклучок: Дали во вака поставена и пренесена содржина можеме да откриеме јавен интерес?. Секако не. А, всушност, содржината можела да биде многу интересна доколку медиумот се потрудил предходно да објасни и да ја предупреди публиката за што се работи. Уредникот можел да постави и предупредување да ја заштити малолетната публика и децата.
Без оглед што се работи за експеримент и филмски трик во кој „Професорката касапеше ученици, а нивните соученици уживаа во глетката“, прилогот на некој начин поттикнува насилничко однесување. Покрај тоа, вокабуларот во кој е употребен збор „Професорката касапеше ученици“… го нарушува членот 15 на Кодексот на новинарите на македонија.
Член 15
Новинарот мора да ја негува културата на говорот и етиката. Неспоиво со новинарската професија е непримерната комуникација со јавноста.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
не може да се утврди
не може да се утврди
не аплиактивно
КОМЕНТИРАЊЕ
нема коментаторски елементи
ПЛАГИЈАТ
целосна копија
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
потикнува на насилство
не дискриминира
УРЕДЕН ЗА ВЕБ
средно читлив
неквалитетни мултимедијални елементи
нема контекстуални линкови
делумно стилски уреден
неповрзан со тагови