Рецензија: ВО ТЕТОВСКО: Американец го истражува срушениот американски бомбардер
Објавено во Рецензии
on 20 - 01 - 2014 Автор: Југослава Дуковска
Репортажата за потрагата по остатоците од соборениот американски бомбардер од Втората Светска војна во тетовскиот крај и приказната поврзана со тој настан и луѓето кои учествувале во него, претставува вистинско освежување во инаку монотониот македонски медиумски простор. Освен што се работи за жанр на репортажа, кој мошне ретко осамнува на страниците на пишаните гласила, темата е одлично обработена. Репортажата е преполна со интересни податоци, изјави на упатени, ексклузивни фотографии, убаво заокружена и лесна за читање. Видлив е напорот на авторот, даден само со иницијали, темелно да ја истражи целата сторија, па конечниот производ јасно се издвојува од морето на безлични, жанровски нејасни и неоригинални новинарски производи, со кои сѐ почесто се полнат страниците на електронските и печатени гласила.
Линк до оригиналниот напис: ВО ТЕТОВСКО: Американец го истражува срушениот американски бомбардер
Датум и време на објавување: 17.01.2014, 9:19
Датум на рецензирање: 18.01.2014
Рецензент: Југослава Дуковска
Вистинитост: Фактите дадени во репортажата се солидно презентирани, поткрепени со изјави на доброупатени извори, сведоштва, автентични фотографии од американските пилоти, од истражувањата на местото на настанот, пронајдените предмети од авионот.
Извори на информации: Наводите се поткрепени со исцрпни изјави и сведоштва на повеќе релевантни извори.
Пристрасност: Убаво балансиран и заокружен производ.
Оригиналност/Плагијат: Порталот ја продолжува праксата на потпишани авторски текстови, иако само со иницијали.
Квалитет на насловот: Насловот не е атрактивен, туку само коректно информира за темата на репортажата.
Фотографија: Илустрациите старите фотографии, како и снимките од истражувањата на локацијата на паднатиот американски бомбардер, се еден од најсилните аргументи на оваа репортажа. Тие со сигурност ќе го задржат вниманието на читателот.
Заклучок: Иако важи за еден од најатрактивните новинарски жанрови, автентичната репортажа (feature story) речиси и да не постои во македонските медиуми или, пак, темите се обработени половично и неквалитетно. И додека во светот овој жанр е најчитан, најгледан и најнаградуван, кај нас како да замира. Успешно со зборови и слика да го пренесеш читателот на местото на настанот, да ја доловиш случката, да ги оживееш чувствата, тоа е умешноста да се изработи добра репортажа. Токму затоа, ваквите добро сработени репортажи вреди да бидат нотирани и да послужат како пример и инспирација, за да потсетуваат како треба да изгледа еден новинарски производ кога се почитуваат новинарските стандарди. Се работи и за атрактивно и многу читано четиво, па редакциите и покрај финансиските ограничувања, треба да издвојуваат луѓе и ресурси тие почесто да се реализираат.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
официјални, неофицијални
релевантни
повеќе извори
повеќестрани
СЕОПФАТНОСТ
сеопфатнo
нема прикриени информации
ПРИСТРАСНОСТ
целосно прикажува вистина
нема извртување на вистина (спин)
нема лажни информации
балансираност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
информира
некреативен
несензационален
соодветен
јасен
ФОТОГРАФИЈА
има
соодветна
информира
наведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
квалитетни мултимедијални елементи
има контекстуални линкови
стилски уреден
поврзан со тагови