Ништо не е јасно, ама барем Иванов е испофален
Објавено во Рецензии
on 27 - 07 - 2015 Автор: Оливера Војновска
[Рецензија: Претседателот Ѓорге Иванов одбива наметнати решенија од Одбрана]
Овој материјал не им ги дава на читателите сите детали, му фали „штоф“! Насловот навестува интересна вест: „Претседателот Ѓорге Иванов одбива наметнати решенија од Одбрана“ . Но, наспроти првиот впечаток, внатре веста е речиси празна и прилично нејасна. Од скудната информација не може да се разбере кои се наметнатите решенија, кога се наметнати и од кој министер за одбрана се предложени – Зоран Јолевски, Фатмир Бесими, Талат Џафери…
Линк до оригиналниот напис: Претседателот Ѓорге Иванов одбива наметнати решенија од Одбрана
Датум и време на објавување: 23.07.2015, 16:23:20
Датум на рецензирање: 24.07.2015
Рецензент: Оливера Војновска
А КОИ СЕ ВОЕНИТЕ АТАШЕА?
Текстот е непрецизен во однос на изворите на информации. На самиот почеток се повикува на неофицијални извори, при што користи формулација „дознава Алфа“, а потоа како извор го посочува Кабинетот на претседателот. Тоа изгледа збунувачки.
Истовремено, написот е површен. Тој пренесува техничка информација дека Иванов ги потпишал указите за поставување двајца воени аташеа во Вашингтон и во Берлин, ама не ги пренесува сите детали. Поточно, не ги кажува имињата на воените претставници во двете метрополи, иако не станува збор за некаква тајна информација. Впрочем, тие беа објавени во повеќе медиуми, кои се повикаа на Кабинетот на претседателот.
ОДЛУЧНОСТА НА ИВАНОВ!
Текстот е неконкретен во презентирањето на фактите и не дава одговори на сите прашања за да може јавноста да добие комплетна информација.
Имено, им соопштува на читателите дека петседателот не дал согласност за шест предлози за воени аташеа во исто толку градови во странство:
„Иванов не дал согласност за предлог решенијата на Министерството за одбрана и чека нови кандидати, но во никој случај шефот на државата нема да даде согласност за наметнати решенија“
Меѓутоа, не информира за кои личности станува збор, кој министер за одбрана ги предложил и зошто Иванов не дал согласност.
Не се открива ниту кои градови се во прашање, како ни тоа која е личноста што му наметнувала решенија на претседателот!
Исто така, во веста недостига ставот на другата страна – Министерството за одбрана. Не се забележува ниту дека е направен обид да се добие мислење од овој ресор.
Единствено се нагласува одлучноста на шефот на државата да се спротистави, наводно, на некакви наметнати решенија. И, токму ваквиот пристап остава впечаток дека намерата, всушност, била да се пофали претседателот, што, пак, ја прави веста политички обоена.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
делумно
ИЗВОРИ НА ИНФОРМАЦИИ
има евидентирани извори
официјални, неофицијални
повеќе извори
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
нема лажни информации
наклонетост
политичка пристрасност
КОМЕНТИРАЊЕ
нема коментаторски елементи
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
информира
креативен
сензационален
соодветен
јасен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови