Рецензија: Позната македонска фолкерка и ТВ водителка со возило усмрти 76 годишен пешак
Објавено во Рецензии
on 20 - 10 - 2014 Автор: Владимир Мирчески
Една, но сериозна фабричка маана – погрешни инсерти на погрешно место и во погрешно време. Од видеоаспект, кој е еден од клучните елементи на телевизиското новинарство, имаме голема „утка“ која резултира со дезинформирање на јавноста.
Линк до оригиналниот напис: Позната македонска фолкерка и ТВ водителка со возило усмрти 76 годишен пешак
Датум и време на објавување: 09.10.2014 17:19
Датум на рецензирање: 16.10.2014
Рецензент: Владимир Мирчески
ВИДЕО КАША – ПОПАРА ЗА ЛОШ ТЕЛЕВИЗИСКИ ПРОИЗВОД
Пример за новинарска каша-попара кога станува збор за „покривањето“ на текстот со видеоматеријал. Во првиот дел се користат инсерти за кои е јасно дека не соодветствуваат на настанот кој се обработува во извештајот. На публиката ѝ е понудена погрешна локализација на трагичната ситуација. Гледаме снимки од, најверојатно, сообраќајка меѓу возила, за што сведочи штетата на автомобилот на неговата страна?! Чекајте, нели како што се вели, познатата фолкерка удрила во пешакот. Ако е така, како тогаш има огромно вдлабнување на вратите на возилото?! Дополнително, инцидентот, според полицијата, се случил во 16 часот, кога сѐ уште е ден, а видеоматеријалот во извештајот е од вечерна несреќа. Значи, имаме јасно заблудување на гледачите бидејќи ним им се презентира сосема поинаква, од видеоаспект, верзија на случајот. Работата да биде уште потрагична, самиот репортер се „посипува со пепел“ со стендапот кој е на вистинското место каде била сообраќајката од каде јасно се гледа дека нема врска со претодно прикажаната ситуација.
Значи, имаме нетелевизичен и крајно нерепортерски пристап кој наместо да ја претстави атмосферата од местото на настанот, ни подметнува инсерти од нешто сосема друго и со тоа недвосмислено му дава поинаков изглед на она што навистина се случило. Просто кажано, тоа што се вели во текстот не одговара на сликата што се нуди, што, секако, претставува и неисполнување на критериумот вистинитост.
Употребата на бајати видеоматеријали не само што манифестира новинарска неукост, туку укажува и на слаба ангажираност. Не ми е јасно зошто коректен текст поткрепен со официјална изјава е промашен и нагрден со несоодветни инсерти кои, зборувам за себеси како гледач, ме наведоа на сосема погрешен заклучок за инцидентот? Среќа што други медиуми се потрудија да ја сработат приказната како што треба и да ја „покријат“ со вистински снимки.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
официјални
релевантни
1 извор
СЕОПФАТНОСТ
сеопфатнo
ПРИСТРАСНОСТ
делумно прикажува вистина
бидејќи се користат неверодостојни видео-снимки може да се смета дека има извртување
се пласираат лажни видео-инсерти
не аплиактивно
КОМЕНТИРАЊЕ
нема коментаторски елементи
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
информира
креативен и малку „жолтеникав“
сензационален
соодветен
јасен
ФОТОГРАФИЈА
има
видео-иизразот во овој случај е најлошиот елелмент од приказната
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови