Рецензија: Повторно активна сектата „Црна Ружа“- се самоуби студентка
Објавено во Рецензии
on 24 - 05 - 2014 Автор: Зоран Бојаровски
Сосема е можно некоја појава во заедницата да предизвикува загриженост, па дури и да биде вознемирувачка и предупредувачка. Медиумите треба со прст да покажат на таквите појави, но нивните медиумски производи на овие теми мора да бидат аргументирани и докажливи во однос на појавите кои можат да бидат загрижувачки. Уште повеќе текстовите на овие теми не смеат да сејат дополнителен страв и несигурност заради тоа што се несеопфатно елаборирани сите елементи кои една ваква новинарска прикзана ќе ја направат конструктивна, а не сензационалистички продукт кој си игра со стравовите на луѓето.
Линк до оригиналниот напис: Повторно активна сектата „Црна Ружа“- се самоуби студентка
Датум и време на објавување: 14.05.2014, 13:18
Датум на рецензирање: 19.05.2014
Рецензент: Зоран Бојаровски
Освен фактот дека една студентка во Белград се самоубила, нема ниту еден аргумент кој ќе потврди дека таа била член на некојаси секта „Црна ружа“. Освен – црниот конец во раката. Во текстот нема ниту еден извор, или познавач, кој ќе потврди дека црниот конец е индикативен елемент во наводните самоубиства на припадниците на оваа секта.
Најбесмислениот и воедно најопасен „податок“ во овој текст е повикувањето на „одредени истражувања“ за причините за самоубиствата кај младите и заклучокот дека сектата за која пишува медиумот го користи тоа за да ги „потпалува“ младите на тоа.
Кога станува збор за вакви застрашувачки „податоци“ не може да помине „одредени“. Тоа е многу несериозно и опасно. Вакви тврдења мора да бидат поткрепени со изворот на овие „податоци“ , ако се воопшто работи за реални истражувања.
Потоа, линијата на приказната се префрла во Македонија за да сее непоткрепени податоци и митови за постапките на оваа секта и за тоа како ги избираат своите жртви, во кои градови се најактивни… Ништо од тоа не е потврдено од релевантен извор, познавач, институцција…
И на крајот, кога ги спомнавме институциите, зар не мислите дека доколку бројката што ја спомнува текстот, од 200 илјади до 350 илјади членови на оваа секта, не би било сигнал надлежните министерства да реагираат, ако веќе оваа секта има такви карактеристики.
Нема ништо од тоа. Има само уште еден текст кој смета на кликови заради поигрувањето со стравовите на својата публика.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
Многу малку
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
анонимни
не може да се утврди
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
не може да се утврди
не може да се утврди
Не може да се утврди
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
делумна копија
ненаведен автор
КВАЛИТЕТ НА НАСЛОВОТ
дезинформира
некреативен
сензационален
тенденциозен
ФОТОГРАФИЈА
има
несоодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови