verifikimiifakteve.mksitemap
verifikimiifakteve.mksitemap

Рецензија: HAARP системот во Србија причина за сите поплави на Балканот | Видео

on 26 - 05 - 2014       
Овој напис го има и на: Албански

HAARP-0987-09-crop-resize

Вакви текстови посебно за време на некои несреќи се редовни во медиумите. Зошто? Затоа што стравот тогаш е најголем и луѓето веруваат во се и сешто. Овој текст е објавен точно за време на најголемата криза во Србија и Босна, која со огромен интерес се следеше и кај нас. Поради зголемениот адреналин овој напис предизвика само поголема загриженост кај граѓаните. А, причините се повеќекратни, но најмногу што е недоречен и е земена само една страна за анализа.

HAARPЛинк до оригиналниот напис:  ХААРП виновен за времето и за лошото расположение во Македонија 

Датум и време на објавување: 19.05.2014, 22:39

Датум на рецензирање: 20.05.2014

Рецензент: Владо Ѓорчев

 

РАБОТА НА ФИЗИЧАРИ

Дека постои некој систем наречен ХААРП е вистина. Тој би требало, барем од тоа што може да се прочита, да ги следи јонизирачките движења во атмосферата. Но, понатаму тешко дека човек (се разбира кој не е физичар) би можел да го разбере. Затоа и кога ќе се појават вакви текстови тие се многу читани поради максимата – од тоа што луѓето не го знаат од тоа и се плашат.

Има насоки за некои босански портали, но без линкови.

Текстот нуди само информации кои велат дека (со сигурност (?!) овој систем е виновен за поплавите во Србија и Босна. Се оди дури и натаму да се тврди дека ХААРП е виновен и за идните поплави кои наводно ќе го зафатат Балканот. Притоа, освен сеење страв нема ниту еден факт кој би одел во прилог на оваа теза. Нема дури ниту спротивставени мислења. Во светот секако дека има мислења на оваа тема, но текстот не ги обработува, туку се занимава со голо афирмирање на некои, според нив, факти.

 

БЕЗ ДОКАЗИ И МИСЛЕЊА

Нема пристрасност, текстот е земен и е актелен поради несреќата во соседството. Инаку во „мирнодопски“ услови ниту би бил интересен, ниту, пак, веројатно би се нашол во медиумите.

Нема коментирање, иако нема линк од оргиналот и не може со точност да се види дали е текстот само превод или има и нешто вметнато, а е од лична или коментирачка природа.

Не е оргинал, наведен е извор, но без линк, а поради тоа што порталите ги јадат своите вести, тешко е да се стигне до оргиналот.

Насловот е погоден за состојбата. Заплашува и тера на рамислување. Сепак, нема ниту прашалник за да се стави знак на можеби, туку насловот имплицира дека нешто сигурно е така.

Има фотографии и видеа, од нешто што треба да ни асоцира на приказната, но без доволно факти и докази. Тоа се некои системи и антени, ама не знаеме дали се од таканаречениот ХААРП или од некоја електрана на пример.

Овој текст не би требало да го има посебно во време на вакви катаклизмички случувања. Можеби, онака, во мирнодопски услови може човек да се информира и за нешто што се вика скриени тајни од секојдневието, но моментот не е погоден. Во овој момент најмногу што е потребно се смирувачки текстови и смирување на тензиите и немирите кај луѓето.


Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).

ИНФОГРАФИК

infoVistinitostВИСТИНИТОСТ

нема факти

неточни наводи

не може да се утврди веродостојноста на наводите

infoVistinitostИЗВОРИ НА ИНФОРМАЦИИ

има евидентирани извори

неофицијални, анонимни

нерелевантни

не може да се утврди

еднострани

infoVistinitostСЕОПФАТНОСТ

несеопфатнo

можеби се прикриени информации

infoVistinitostПРИСТРАСНОСТ

не може да се утврди

не може да се утврди

не може да се утврди

infoVistinitostКОМЕНТИРАЊЕ

infoVistinitostПЛАГИЈАТ

целосна копија

наведен извор без линк

infoVistinitostКВАЛИТЕТ НА НАСЛОВОТ

дезинформира

сензационален

несоодветен

тенденциозен

infoVistinitostФОТОГРАФИЈА

има

несоодветна

ненаведен автор(извор)

infoVistinitostГОВОР НА ОМРАЗА

нема навредлив говор

нема говор на омраза

не потикнува на насилство

не дискриминира

infoVistinitostУРЕДЕН ЗА ВЕБ

нечитлив

неквалитетни мултимедијални елементи

нема контекстуални линкови

стилски неуреден

неповрзан со тагови

Претплатете се за најнови вести